پہلے زبانِ شوق سے حمدِ خدا کروں ۔۔۔. ایاز صدیقی

پہلے زبانِ شوق سے حمدِ خدا کروں
پھر ابتدائے مدحتِ خیر الوراﷺ کروں

یارب مِرے سخن کو وہ حسنِ کمال دے
فرضِ ثنا نماز کی صورت ادا کروں

ہر گفتگو کا محور و مرکز حضورﷺ ہیں
آئے اُنہیں کا ذکر ، کوئی تذکرہ کروں

چوموں قدم قدم پہ زمینِ حجاز کو
روشن قدم قدم پہ چراغِ وفا کروں

یارائے خامشی ہے نہ توفیقِ گفتگو
عرضِ نیاز عشق کی تدبیر کیا کروں

ہو جاؤں پہلے خاکِ رہِ منزلِ حجاز
پھر عاجزی سے منّتِ موجِ ہوا کروں

طیبہ کی راہ میں ہمہ تن گوش ہوں ایاز
اِذنِ سفر ملے تو سفر ابتدا کروں
٭٭٭
ثنائے محمدﷺ ... ایاز صدیقی
​

 

اللہ تعالیٰ آپ کو بھی جزائے خیر عطا کرے آمین

 

سبحان اللہ ۔ جزاک اللہ

 

اللہ تعالیٰ آپ کو بھی جزائے خیر عطا کرے آمین