پروین شاکر کا کلام پڑھیے

اس لڑی میں ہم سب پروین شاکر کی شاعری ارسال کریں گے۔

اپنی رسوائی، تیرے نام کا چرچا دیکھوں
اک ذرا شعر کہوں اور میں کیا کیا دیکھوں

نیند آ جائے تو کیا محفلیں برپا دیکھوں
آنکھ کھل جائے تو تنہائی کا صحرا دیکھوں

شام بھی ہوگئ،دھندلا گئیں آنکھیں بھی مری
بھولنے والے، میں ‌کب تک ترا رستہ دیکھوں

ایک اک کرکے مجھے چھوڑ گئیں سب سکھیاں
آج میں خود کو تری یاد میں‌ تنہا دیکھوں

کاش صندل سے مری مانگ اجالے آ کر
اتنے غیروں میں‌ وہی ہاتھ جو اپنا دیکھوں

تو مرا کچھ نہیں لگتا ہے مگر جانِ حیات
جانے کیوں تیرے لیئے دل کو دھڑکتا دیکھوں

بند کرکے مری آنکھیں وہ شرارت سے ہنسے
بوجھے جانے کا میں‌ ہر روز تماشا دیکھوں

سب ضدیں اس کی میں پوری کروں، ہر بات سنوں
ایک بچے کی طرح سے اسے ہنستا دیکھوں

مجھ پہ چھا جائے وہ برسات کی خوشبو کی طرح
انگ انگ اپنا اسی رت میں مہکتا دیکھوں

پھول کی طرح مرے جسم کا ہر لب کھل جائے
پنکھڑی پنکھڑی ان ہونٹوں کا سایہ دیکھوں

میں نے جس لمحے کو پوجا ہے، اسے بس اک بار
خواب بن کر تری آنکھوں میں اترتا دیکھوں

تو مری طرح سے یکتا ہے مگر مرے حبیب
جی میں آتا ہے کوئی اور بھی تجھ سا دیکھوں

ٹوٹ جائیں کہ پگھل جائیں مرے کچے گھڑے
تجھ کو میں دیکھوں کہ یہ آگ کا دریا دیکھوں



(پروین شاکر) ​

 

اپنی تنہائی میرے نام پہ آباد کرے
کون ہو گا جو مجھے اس طرح یاد کرے

دل عجب شہرکہ جس پہ بھی کھلا در اس کا
وہ مسافر ہر سمت سے اسے برباد کرے

اپنے قاتل کی ذہانت سے پریشان ہوں میں
روز اک موت نئی طرز کی ایجاد کرے

پروین شاکر ​

 

بہت خوب نور جی

اچھا سلسلہ شروع کیا ھے

 

بہت ہی عمدہ نور جی زبردست

 

موجۂ گُل کو ہم آواز نہیں کر سکتے
دِن تیرے نام سے آغاز نہیں کر سکتے

اس چمن زار میں ہم کو سبزئہ بیگانہ سہی
آپ کو ہم نظر انداز نہیں کر سکتے

عشق کرنا ہے تو پھر سارا اثاثہ لائیں
اس میں تو کچھ بھی پس انداز نہیں کر سکتے

دُکھ پہنچتا ہے بہت دل کو رویے سے تیرے
اور مداوا تیرے الفاظ نہیں کر سکتے

عشق میں یہ بھی کُھلا ہے کہ اُٹھانا غم کا
کارِ دشوار ہے اور بعض نہیں کر سکتے​

 

واہ خوب بوبی جی

 

آج ملبوس میں ہے کیسی تھکن کی خوشبو
رات بھر جاگی ہوئی جیسے دُلہن کی خوشبو

پیرہن میرا مگر اُس کے بدن کی خوشبو
اُس کی ترتیب ہے ایک ایک شکن کی خوشبو

موجہ گُل کو ابھی اِذنِ تکلم نہ ملے
پاس آتی ہے کسی نرم سخن کی خوشبو

قامتِ شعر کی زیبائی کا عالم مت پُوچھ
مہرباں جب سے ہے اُس سرد بدن کی خوشبو

ذکر شاید کسی خُورشید بدن کا بھی کرے
کُوبہ کُو پھیلی ہُوئی میرے گہن کی خوشبو

عارضِ گُل کو چُھوا تھا کہ دھنک سی بکھری
کِس قدر شوخ ہے ننھی سی کرن کی خوشبو

کِس نے زنجیر کیا ہے رمِ آہو چشماں
نکہتِ جاں ہے انھیں دشت ودمن کی خوشبو

اِس اسیری میں بھی ہر سانس کے ساتھ آتی ہے
صحنِ زنداں میں اِنھیں دشت وطن کی خوشبو​

 

نور العین بہنا ۔ ہماری اردو کے شاعری چوپال میں پروین شاکر کی خوبصورت شاعری کا اضافہ کرنے کے لیے بہت شکریہ ۔

عدنان بوبی بھائی ۔ آپ نے بھی عمدہ انتخاب ارسال کیا ہے۔ بہت خوب۔

 

میں ہجر کے عذاب سے انجان بھی نہ تھی
پر کیا ہوا صبح تلک جان بھی نہ تھی

آنے میں گھر مرے تجھے جتنی جھجک رہی
اس درجہ تو میں بے سرو سامان بھی نہ تھی

اتنا سمجھ چکی تھی میں اس کے مزاج کو
وہ جا رہا تھا اور میں حیران بھی نہ تھی

آراستہ تو خیر نہ تھی زندگی کبھی
پر تجھ سے قبل اتنی پریشان بھی نہ تھی

کس جا مکین بننے کے دیکھے تھے میں نے خواب
اس گھر میں ایک شام کی مہمان بھی نہ تھی

 

بہت خوب ۔ پروین شاکر درد و الم کی ترجماں شاعرہ تھی

 

بہت ہی خوب۔۔

 

واہ جی بہت خوب شاعری ہے

 

بہت شکریہ حسن اور مبارز جی

 

بہت ہی عمدہ خوشی بہن واہ واہ

 

بہت شکریہ بوبی جی بڑی نوازش

 

قریہء جاں میں کوئی پُھول کِھلانے آئے
وہ مرے دل پہ نیا زخم لگانے آئے

میرے ویران دریچوں میں بھی خوشبو جاگے
وہ مرے گھر کے در و بام سجانے آئے

اس سے اک بار تو روٹھوں میں اسی کی مانند
اور وہ مری طرح ، مجھ کو منانے آئے

اسی کُوچے میں کئی اس کے شناسا بھی تو ہیں
وہ کسی اور سے ملنے کے بہانے آئے

اب نہ پوچھوں گی میں کھوئے ہوئے خوابوں کا پتہ
وہ اگر آئے تو کچھ بھی نہ بتانے آئے

ضبط کی شہر پناہوں کی، مرے مالک خیر
غم کا سیلاب اگر مجھ کو بہانے آئے


پروین شاکر​

 

بہت ہی عمدہ انتخاب ہے نعیم بھائی

 

پیارے عدنان بوبی بھائی ۔
بہت شکریہ ۔

 

کچھ تو ہوا بھی سرد تھی، کچھ تھا تیرا خیال بھی
دل میں‌ خوشی کے ساتھ ساتھ ہوتا رہا ملال بھی

بات وہ آدھی رات کی رات وہ پورے چاند کی
چاند بھی عین چیت کا، اس پہ تیرا جمال بھی

سب سے نظر بچا کے وہ مجھ کو کچھ ایسے دیکھتا
اک دفعہ تو رک ہی گئی گردشِ ماہ و سال بھی

میری طلب تھا ایک شخص وہ جو نہیں‌ ملا تو پھر
ہاتھ دعا سے یوں‌ گرا بھول گیا سوال بھی

 

پاکیزہ بہن۔ بہت خوبصورت کلام ہے ۔
اچھا انتخاب ارسال فرمانے کے لیے بہت شکریہ ۔

 

بہت خوب نعیم بھائی

 

اور ہاں میں نے کہنا تھا کہ بہت پیاری تصویر لگائی ہے۔۔۔بچے اور پاپا تینوں اچھے لگ رہے ہیں! ماشاءاللہ

 

السلام علیکم بہنا جی ۔
کلام کی پسندیدگی اور تصویر کی تعریف کا شکریہ ۔
حیرت ہے کہ آپ "پھُوپھو " کی تعریف کرنا بھول گئیں۔ :bigblink:

 

آپ کا حسنِ نظر ہے بزم خیال بھائی ۔ شکریہ

 

اچھے اشعار ۔ اعلی انتخاب۔ :a180:

 

:a180: انتخاب ہے۔

 

مجھے پروین شاکر کے اس کلام کی تلاش ھے جو ظاھرا یوں ھے

میں‌ لیٹ ھوئ میں‌لیٹی تھیں‌ اور میرے اوپر کوئ لیٹا تھا
۔ ۔ ۔ ۔ ۔ ۔ ۔ ۔۔ ۔۔ ۔ ۔ ۔ ۔ ۔ ۔ ۔ ۔ ۔ ۔ ۔ ۔۔ وہ میرا بیٹا تھا

کچھ اس طرح کا کسی سے سنا تھا؟؟
اگر کسی بھن بھائ کو معلوم ھے تو برائے مھربانی یھاں‌ارسال کریں!!!!!!

 

میرے خیال میں خوشبو میں ھے یہ نظم

 

شام بھی ہوگئ،دھندلا گئیں آنکھیں بھی مری
بھولنے والے، میں ‌کب تک ترا رستہ دیکھوں
very nice sharing