پاکستانی وزیرِ اعظم کا دورہ کابل

پاکستان کے وزیرِ اعظم نواز شریف افغانستان میں امن و استحکام کی کوششوں پر بات چیت کے لیے ہفتہ کو ایک روزہ دورے پر کابل پہنچ گئے ہیں۔
افغان حکومت اور طالبان کے درمیان مصالحتی عمل کی کامیابی میں پاکستان کا کردار خاصا اہم سمجھا جاتا ہے۔
نواز شریف کے موجودہ دورِ اقتدار میں اُن کا یہ پہلا دورہِ کابل ہے، جس میں وہ افغان صدر حامد کرزئی کے علاوہ اعلیٰ امن کونسل کے سربراہ صلاح الدین ربانی سے بھی ملاقاتیں کریں گے۔
پاکستان کی وزارتِ خارجہ کا کہنا ہے کہ یہ دورہ سلامتی اور سیاسی صورتِ حال کے اعتبار سے اہم موڑ پر کیا جا رہا ہے کیوں کہ آئندہ برس بین الاقوامی افواج کا افغانستان سے انخلا اور صدارتی انتخاب بھی ہونا ہے۔
افغانستان میں قیام امن کو پاکستان اپنا مفاد گردانتے ہوئے یہ کہتا آیا ہے کہ پڑوسی ملک میں امن و مصالحت کے عمل کی بھرپور حمایت جاری رکھی جائے گی۔
’’افغانستان میں پائیدار امن و ترقی کے لیے پاکستان افغانستان اور دیگر بین الاقوامی شراکت داروں کے ساتھ تعاون کے عزم پر قائم ہے۔‘‘
وزارتِ خارجہ کے ترجمان اعزاز احمد چودھری نے وائس آف امریکہ سے جمعہ کو گفتگو کرتے ہوئے کہا تھا کہ 2014ء میں متوقع تبدیلیوں کے تناظر میں پاکستان نہیں چاہتا کہ افغانستان میں ’’کوئی سیاسی خلا‘‘ پیدا ہو۔
افغانستان اور پاکستان کے رہنماؤں کے درمیان ملاقات میں دوطرفہ تعلقات، خصوصاً تجارت اور اقتصادی روابط کے فروغ، پر بحیثیت مجموعی بھی بات چیت کی جائے گی۔
http://www.urduvoa.com/content/pakistan-pm-heads-to-kabul-for-peace-talks/1800738.html

 

جی ہاں

 

اس حکومت کی اپنی کوئی سوچ نہیں ہے جو امریکہ کہے گا کریں گے