وقار اہلِ طہارت ہیں مادرِ زہرا (بلاؔل رشید)

وقار اہلِ طہارت ہیں مادرِ زہرا
نبی کے دیں کی صداقت ہیں مادر زہرا

کتاب صبر و اطاعت ہیں مادر زہرا
وفا و فقر کی آیت ہیں مادر زہرا

میں جان و دل سے کروں کیوں نہ پھر ادب ان کا
مرے حضور کی غیرت ہیں مادر زہرا

مجھے قسم ہے علی تا جناب قایم کی
کہ آپ ناز سخاوت ہیں مادر زہرا

علی سا جن کا داماد فاطمہ دختر
وہ مرکز عصمت ہیں مادر زہرا

وہ جن کے مال سے مفلس سےبن گئے ہیں غنی
وہ جان لطف و عنایت ہیں مادر زہرا

ہیں جس کی آیتیں کلثوم و زینب و زہرا
حیا کی ایسی وہ صورت ہیں مادر زہرا

حضور آپ تھے ممنون جس رفیقہ کے
فقط وہ شمع رسالت ہیں مادر زہرا

ہزار زخم جو کھاتیں رہیں نبی کے لیے
وہ پاسبان رسالت ہیں مادر زہرا

بنیں جو پہلی شہادت پیام احمد کی
وہ آگہی کی علامت ہیں مادر زہرا

بلاؔل تجھ کو بھلا کیوں ہے غم قیامت کا
تری دلیل شفاعت ہیں مادر زہرا

کلام بلاؔل رشید​

 

اللہ تعالیٰ آپ کو بھی جزائے خیر عطا کرے آمین

 

سبحان اللہ - جزاک اللہ

 

اللہ تعالیٰ آپ کو بھی جزائے خیر عطا کرے آمین