وطن کی شہ رگ پر امریکی پنجے

وطنِ عزیز کی شہ رگ پر امریکہ کے خونی پنجے

ڈاکٹر علی اکبر الازہری


گزشتہ کئی دنوں سے ملکی اور غیر ملکی میڈیا میں یہ خبریں گشت کر رہی ہیں کہ پاکستان کے دارالخلافہ اسلام آباد میں امریکہ نے 18 ایکڑ اراضی حاصل کر لی ہے جس پر وہ عراق کے بعد دنیا کا سب سے بڑا سفارتخانہ بنا رہا ہے۔ اس خطہ اراضی پر سینکڑوں رہائشی عمارتیں اور دفاتر تعمیر کئے جائیں گے جہاں دس ہزار تک امریکی میرین ڈیوٹی پر موجود ہوں گے۔ گویا یہ سفارت خانہ کم اور فوجی چھاؤنی زیادہ ہو گی جہاں پینٹاگون سے براہ راست ہدایات آئیں گی اور اس مرکز سے امریکہ ایران، چین، بھارت اور جنوب مشرقی ایشیائی ریاستوں پر نظر رکھے گا۔

اس نوعیت کی دوسری اہم خبر یہ ہے کہ امریکہ خطے میں تادیر قیام کو مضبوط اور مستحکم کرنے کے لئے امریکی سنٹرل کمانڈ میں ایک نئی انٹیلی جنس ایجنسی قائم کر رہا ہے جہاں افغانستان اور پاکستان کے فوجی افسران اور خفیہ ایجنٹس کو خصوصی تربیت دی جائے گی اور یہ خدمات کم از کم پانچ سال کے لئے لی جائیں گی۔ واشنگٹن پوسٹ کی اس رپورٹ کے مطابق اس تربیتی ادارے کی سربراہی ’’کرنل ڈیرک ہاروے‘‘ کریں گے۔ امریکی مڈل ایسٹ پر اپنا قبضہ مکمل کرنے کے بعد ایشیائی ممالک کے وسائل تک آزادانہ رسائی کے لیے ’’بلیک واٹر‘‘ اور ’’زی ورلڈ وائڈ‘‘ جیسے بدنام زمانہ اداروں کی خدمات حاصل کر رہا ہے۔ جس کے چیف ’’ایرک پرنس‘‘ پر مسلمانوں کے خلاف صلیبی جنگجو ہونے کے سنگین الزامات عائد ہو چکے ہیں۔

ایک طرف تو امریکہ بہادر اتنے دور رس منصوبے بنانے میں مصروف ہے اور دوسری طرف امریکی کمانڈر ایڈمرل مائیک مولن اور جنرل ڈیوڈ پیٹر یاس نے تازہ بیانات میں یہ اعتراف کیا ہے کہ افغانستان میں امریکی فوجوں کا قیام بڑھتی ہوئی طالبان سرگرمیوں کے مقابلے میں ایک مشکل اور مہنگا منصوبہ ہے۔ انہوں نے امریکی حکومت کو صاف الفاظ میں باور کرایا ہے کہ طالبان پورے افغانستان پر قابض ہیں اور پہلے سے ان کی سرگرمیوں میں بہتری اور تیزی بھی آرہی ہے۔ تجزیہ نگار ان بیانات کو امریکی ناکامی اور گھبراہٹ کی علامت سمجھ رہے ہیں جس کا منطقی نتیجہ ویت نام کی طرح امریکہ کی ناکام واپسی کی صورت میں نکلتا دکھائی دے رہا ہے۔ ادھر اس ظالم عالمی دہشت گرد کی نظریں پاکستان کے جوہری اثاثوں پر گڑھی ہوئی ہیں اور وہ بہرصورت ایٹمی ہتھیاروں کا کمانڈ اینڈ کنٹرول سسٹم اپنے ہاتھوں میں لینے کی فکر میں ہے۔ اس میں بھی شک نہیں کہ مالاکنڈ اور وزیرستان میں پاکستانی طالبان کے خلاف پاک فوج کا کامیاب آپریشن امریکہ کے لئے پریشانی کا باعث بن گیا ہے۔ پاکستان میں بدامنی اور دہشت گردی کے مرکزی کردار بیت اﷲ محسود کی غلطی سے ہلاکت بھی امریکہ کے لئے باعث تشویش ہے کیونکہ وہ جہاد کے نام پر امریکہ، اسرائیل اور بھارت کی جنگ لڑ رہا تھا۔ پاک فوج اور پاکستانی قوم کو ابھی اس محاذ پر مزید صبر و ہمت اور استقلال کے ساتھ ڈٹ کر لڑنا ہے۔
ان شاء اللہ وطن عزیز کے ان تمام بدخواہوں کے خواب ادھورے رہیں گے اور یہ کوچۂ عشق رسول صلی اللہ علیہ وآلہ وسلم دنیا کے نقشے پر سدا قائم و دائم رہے گا بشرطیکہ غیور پاکستانی عوام باہمی خانہ جنگی کے ماحول سے نکل کر استعماری حربوں کو ناکام بنانے اور کسی اہل ، صالح اور صاحبِ بصیرت قیادت کا ساتھ دینے کا عزم کر لیں۔

نہیں مایوس یہ اقبال اپنی کشتِ ویراں سے
ذرا نم ہوتو یہ مٹی بڑی زرخیز ہے ساقی


ڈاکٹر علی اکبر الازہری

 

اب اسلام آباد بہی امریکی چہاؤنی بن گیا ۔
پاکستانی بہائیو ! ھماری غیرت کب جاگے گی؟ کب تک کمینے غداروں کو اپنا لیڈر بنائے رکہیں گے ؟
جاگو جاگو جاگو

 

وسیم بھائی ۔
وطن عزیز کی دگرگوں نازک صورتحال کا مختصر تجزیہ پیش فرمانے کے لیے شکریہ ۔

 

جزاک اللہ ،، اور شکریہ

 

وسیم بھای بہت بہت شکریہ جزاک اللہ
واقع حلات نازک ہیں اللہ انشاءاللہ بہتر کرے گا

 

خان بھای یہی کچھ فلسطین میں ہوا تھا یہودی نے فلسطینیوں سے مہنگے داموں زمینیں کھیت خرید لیے تھے
فلسظینیوں کو یہ بتانے والا نہ تھا کہ اپنے گھر بار یہودیوں کو مت دوں نہیں تو بے وطن ہو جاؤ گے بے گھر ہو جاو گے آج یہی اسلام آباد میں ہورہا ہے لوگ اپنے گھر مہنگے داموں بیچ رہے ہیں اوو کوٰی ان کو بتانے والا نہیں ہے
کہ نہ بیچو بے گھر ہو جاؤ گے
اور بے شک پاکستانی سوے ہوے نہیں ہیں عوام اب جاگ رہی ہے اب تو ان کے حامی بھی مخالفت کر رہے ہیں
دیکھ رہے ہیں ہماری حکومت کیا کر رہی ہے
پاک سرزمین کو ہزاروں شہدوں نے خون دیا ہے ہزاروں ماؤں بہنوں نے اپنی عفت و عزت قربان کی ہے
انشاءاللہ اللہ ان کے صدقے وطن عزیز کو قایم و دایم رکجھے گھا انشاءاللہ
پاکستان پایندہ باد

 

انشاءاللہ ۔ اللہ تعالی ہماری قوم کے ہر فرد کو شعوری بیداری اور حق پر چلنے کی توفیق دے۔ آمین

 

اپنے پیارے وطن سے سچی محبت اور آپس کی اخوت بھائی چارے اور مکمل اتحاد کا پرخلوص جذبہ ھی ھمیں اپنے اچھے مقاصد میں کامیابی دلا سکتا ھے،!!!!!!

 

مضمون پڑھنے اور دردمندانہ تجزیہ جات کا بہت شکریہ ۔