نوید سلیم کا تعارف

السلام علیکم نوید بھائی!

یہاں آپ کے تعارف کے لئے ایک پرچہ پیش کیا گیا ہے۔ براہ مہربانی اسے حل کریں تاکہ دوسرے صارفین بھی آپ کی اِتباع کریں۔ نوازش ہوگی۔

پرچہ ہماری اُردو ۔ ۔ ۔ ۔ ۔ جماعت مبتدیان

کوئی سے 5 سوال حل کریں۔ نمبر یکساں ہیں۔
پرچہ حل کرنے کا وقت: 15 دن
نوٹ: خوشخطی کے الگ نمبر ہوں گے۔


1- پورا نام؟ اور کس نے رکھا؟
2- لقب؟ اور کیوں رکھا گیا؟
3- عمر؟ (لڑکیوں کو غلط بیانی کی اجازت ہے۔)
4- شہر، ملک؟ (کب سے یہاں ہیں؟)
5- تعلیم؟ (حاصل کرنا کیوں ضروری سمجھی؟)
6- مشاغل؟ (اپنے بتانے ہیں، اُن کے نہیں۔)
7- پیشہ؟ (کاروبارِ محبت سے اِحتراز کریں۔)
8- مستقبل کے عزائم؟ (اگر زیادہ خطرناک ہوں تو وضاحت سے بیان کریں۔)

یا

اگر آپ پرچہ حل کرنا غیرضروری خیال کریں تو اس کی کوئی سی تین وجوہات بیان کریں۔

 

نوید بھائی تو جانے کب آئیں گے، میں ہی بتا دیتا ہوں کہ الحمدللہ ہم نے لاہور منہاج القرآن (ٹاؤن شپ) میں اعتکاف کِیا تھا۔

 

میں یہ نہیں کہوں گا کہ کوئی کیا کہتا یا کرتا ہے۔ اللہ پاک سب کے درجات بلند فرمائے۔ اور ہمیں صراطِ مستقیم پر چلنے کی توفیق عطا فرمائے۔ (آمین)

باقی یہ کہ اگر میں اپنی زبان سے اِس بات کا جواب دوں کہ (منہاج القرآن) اعتکاف میں کیا ہوتا ہے تو بھی شائد میری بات آپ کے دل میں نہ اُترے، کیوں کہ ایک تو شائد آپ کو میری باتیں ویسی ہی لگیں جیسے سب لوگ اپنے اپنے قائدین یا تحریک کی تعریفوں میں کہا کرتے ہیں، اور دوسری بات یہ کہ وہاں (اعتکاف) کی عبادات، محافل، دروسِ قرآن، روحانی تربیت، سکونِ قلب، نفس کی اصلاح اور اس کے علاوہ بہت کچھ جو بھی وہاں سے مِلتا ہے، وہ سب بیان کرنے کے لئے مجھ حقیر کے پاس الفاظ ہی نہیں ہیں۔

لیکن ہاں وہاں اعتکاف میں جو ڈاکٹر محمد طاہرالقادری صاحب کے خطابات ہوتے ہیں، اگر آپ وہ لے کر سُنیں تو آپ بخوبی اندازہ کر سکتے ہیں، کہ منہاج القرآن (لاہور) میں اعتکاف کا کیا رنگ ہوتا ہے۔

نعیم بھائی! باقی ساری باتیں ایک طرف میں آپ کو صرف ایک چھوٹی سی بات بتاتا ہوں کہ میں اپنے ساتھ اعتکاف پر چار دوستوں کو لے کر گیا تھا اور چاروں کے چاروں آج کل کے مُلاؤں کے بارے وہی الفاظ استعمال کرتے تھے جو آپ نے کِئے۔ لیکن مزے کی بات یہ کہ وہاں کچھ دن بتانے کے بعد سب مجھ سے شکائت کر رہے تھے کہ آپ نے ہمیں پہلے یہاں اعتکاف کرنے کو کیوں نہیں کہا۔ اور سب کا کہنا تھا کہ ان شاللہ آئندہ اعتکاف پر ہم اپنے بھائیوں اور دوستوں کو بھی ہمراہ لائیں گے۔

بہت کچھ لکھنے کو جی چاہ رہا ہے، لیکن میری زباں و تحریر میں اثر نہیں۔

لیکن میں اتنا ضرور کہوں گا کہ آپ اُن (ڈاکٹر محمد طاہر القادری) کے چند خطابات ضرور سُنیئے گا۔ آپ حقیقت سے بخوبی آگاہ ہو جائیں گے۔

کیوں کہ

صداقت ہو تو دل سینوں سے کِھچنے لگتے ہیں واعظ
حقیقت خُود کو منوا لیتی ہے ، مانی نہیں جاتی​