نعیم رضا کی شاعری

Re: میرے اشعار

پسندیدگی کا شکریہ

 

Re: میرے اشعار

نئے سال کی آمد پر آمد

بیٹھے رہے ہیں سال بھر ہاتھ پہ دھرے ہاتھ
خوشیاں چڑھی ہوئی ہیں آیا دو ہزار سات

(ماخوذ از بانگِ رضا )​

 

Re: میرے اشعار

جو ہو سکے تو بانٹتے رہنا محبتیں
کہ ظلمتِ حیات میں یہ ہے چراغِ طور​

 

Re: میرے اشعار

یوں پا کے تجھکو کھونا جومرانصیب تھا
اے کاش زندگی ! تجھے پایا ہی نہ ہوتا​

 

Re: میرے اشعار

بہت خوب نعیم بھائی ۔ بہت پیارے اشعار ہیں

 

Re: میرے اشعار

نعیم بھائی!بہت خوب
زندگی کو تو سب نے کھونا ہی ہے
یہاں زندگی سے آپکی مراد محبوب ہے
:?:

 

Re: میرے اشعار

جی یہ بات میں نے پڑھنے والے کے احساسات پر چھوڑ دی ہے۔

اگلا شعر حاضر ہے

زندگی نام ہے گرسانسوں کا تو زندہ ہیں
ورنہ جہاں کو کب کا خیرباد کہہ چکے​

 

Re: میرے اشعار

بہت ہی عمدہ

 

Re: میرے اشعار

شکریہ عاطف بھائی ۔
کیسے ہیں آپ؟
کافی دنوں بعد نظر آ رہے ہیں۔ لگتا ہے بکرا عید میں کافی مصروف تھے

 

Re: میرے اشعار

بہت خوب نعیم بھائی ۔ بہت اچھی شاعری ہے

 

Re: میرے اشعار

نعیم صاحب ۔ بہت اچھے اشعار کہے ہیں آپ نے۔
ماشاءاللہ

 

Re: میرے اشعار

نعیم بھائی ! شعر تو بہت اچھا ہے ،
اگرچہ کہ خود کو بہت ادبی آدمی تو نہیں کہہ سکتا مگر مجھے ایسے معلوم ہوتا ہے کہ اس شعر کا وزن پورا نہیں ہے،خیالات تو بہت اچھے ہیں مگر انھہیں سہی طرح سے بیان نہیں کیا گیا
آپکے شعر کا دوسرا مصرعہ ہے :
ورنہ اے جہاں کب کا تجھے خیرباد کہہ چکے

پہلے مصرعے کے وزن کے حساب سے اگر یہ یوں ہوتا :
ورنہ اے جیون تجھے کب کا خیر باد کہا
تو میرے خیال سے زیادہ مناسب معلوم ہوتا

باقی یہ کہ خدا آپکا زورِ قلم مزید زیادہ کرے
واللہ اس سے میرا مقصد محض تنقید نہیں بلکہ اصلاح مقصود ہے

آپ بھی اگر میری شاعری میں موجود کمیوں سے مجھے آگاہ کریں
تو مجھے بہت خوشی ہوگی !

والسلام

 

Re: میرے اشعار

بہت شکریہ بھائی ۔۔۔

مجھے خوشی ہوئی آپ کی دلچسپی دیکھ کر۔

وہی شعر کچھ ترمیم کے ساتھ حاضر ہے۔۔۔ بتائیے گا وزن پورا ہوا یا نہیں ؟

زندگی نام ہے گرسانسوں کا تو زندہ ہیں
ورنہ جہاں کو کب کا خیرباد کہہ چکے​

 

Re: میرے اشعار

مجھے شاعری کی تکنیک کا تو پتہ نہیں۔ لیکن یہ شعر زیادہ موزوں لگتا ہے۔

 

Re: میرے اشعار

شکریہ زاہرا جی !

اب فیصل بھائی بھی تصدیق کر دیں تو بات متحقق ہو جائے

 

Re: میرے اشعار

وفا کرو گے وفا کریں گے جفا کریں گے جو جفا کرو گے
سنا ہے اپنے بزرگوں سے کہ “ جو کرو گے وہی بھرو گے“​

 

Re: میرے اشعار

آج تم قبر پہ آئے بھی تو کیا حاصل ۔۔۔؟
میرے جیتے ہوئے آتے تو کوئی بات بھی تھی​

 

Re: میرے اشعار

دل میں پھر خدشوں نےسر اٹھا یا ہے
پھر تیری ہم سفری در پیش ہے آج​

 

Re: میرے اشعار

اشک سے دل کی آبیاری کی ہم نے
شبِ غم کچھ یوں بھی گذار دی ہم نے​

 

Re: میرے اشعار

اچھے اشعار ہیں نعیم بھائی

 

کھٹی میٹھی فی البدیہہ غزل

ایک کھٹی میٹھی فی البدیہہ غزل حاضرِ خدمت ہے

مشینی دور ہے اب تو زمانے رنگ بدلتے ہیں
جواں جاتے ہیں مسجدکوتو بابے فلرٹ کرتے ہیں

نہیں مانا جو شادی پر میری محبوبہ کا ا بّا
ٹکٹ لے کر مجھے بولی چلو اب بھاگ چلتے ہیں

کنوارے رہ کے پچھتانے سے اچھا ہے میرے یارو
کہ اک شوہر سا کہلا کے سدا پھر ہاتھ ملتے ہیں

بڑے بدبخت ہیں جو ڈائٹنگ کر کر کے مر جائیں
جو مرنا ہی مقدر ہے تو کچھ کھا پی کے مرتے ہیں

یہ کیا معیار باندھا ہے یہاں گندی سیاست نے
کہ توپوں کے دہانوں سے یہاں رہبر نکلتے ہیں

جو زیادہ لُوٹ کر کھائے بڑا لیڈر وہ کہلائے
دیانتدار لوگوں کو یہاں اُلّو سمجھتے ہیں

تجارت دین کی بھی خوب ہے بازارِ دنیا میں
مجاہد قوم کے میری مساجد میں گرجتے ہیں

غریبوں کی شہادت بھی یہاں پہ مرگِ کلبی ہے
اگرغدّار مر جائے شہادت نام دیتے ہیں

محبت کے چراغوں کو وفا کا تیل مت دینا
کہ اس مادّی زمانے میں یہ نوٹوں ہی سے جلتے ہیں

رضا دل کے پھپھولوں کو نہ دکھلاؤ زمانے کو
کہ بھروپِ طبیباں میں یہاں جلّاد بستے ہیں



بانگِ رضا
(عُلاما نعیم رضا۔ اتوار 2007-1-14)​

 

Re: میرے اشعار

:201: :212: :164: :176:

نعیم بھائی ۔ یہ تو واقعی کھٹی میٹھی لیکن بہت پیاری نظم ہے۔

مقطع تو سیدھا دل میں اتر گیا

 

Re: میرے اشعار

نہ اِترا کے دیکھو منجدھار میں بے بس کو
سفینے ڈوبتے دیکھے ہیں ہم نے لبِ ساحل​

 

Re: میرے اشعار

سچ چُھپتا نہیں چُھپانے سے
قدر گھٹتی نہیں گھٹانے سے
دشمنوں کا رضاگلہ کب ہے
زخم کھائے ہیں دوستانے سے

نعیم رضا​

 

Re: میرے اشعار

السلام علیکم !
پرچوں کی وجہ سے حاضری نہ دے سکا ،فراغت ہوئی تو اب حاضر ہوں ،

نعیم بھائی بہت خوب ،اب یہ شعر زیادہ مناسب معلوم ہوتا ہے ،

ماشاءاللہ غزل بھی بہت اچھی ہے !

 

Re: میرے اشعار

یہ بھی خوب کہا

 

Re: میرے اشعار

عبدالجبار بھائی !! یقین کریں آپ کو کافی دنوں بعد دیکھ کر دل بہت خوش ہوا۔
دل ہی دل میں آپ کو بہت مس miss کر رہا تھا ۔

چھانا کیا ہے۔۔۔۔ بس آپ کا حکم تھا تو بساط بھر کوششیں کرتا رہا۔

اصل میں ان دوستوں‌کی محبت ہے کہ میری ہر اوٹ پٹانگ کی تعریفیں کر دیتے ہیں اور میں اسی پر پھولتا پھولتا مزید اوٹ پٹانگ لکھتا چلا جاتا ہوں

 

Re: میرے اشعار

اللہ رے اس سادگی پہ کون نہ مرجائے​