نعت کیا ہے؟

نعت کیا ہے، قصرِ حُسن و عشق کی تکمیل ہے
نعت کیا ہے ، حکمِ ربّی کی فقط تعمیل ہے

نعت کیا ہے، عشق کے ساگر میں غرقابی کا نام
نعت کیا ہے، میرے ہر جذبے کی سیرابی کا نام

نعت ابوابِ محبّت کا جلی عنوان ہے
ہم غلامانِ پیغمبر :saw: کی یہی پہچان ہے

دل کے بنجر کھیت میں کرنیں اُگا دیتی ہے نعت
نقش باطل کے جبینوں سے مٹا دیتی ہے نعت

نعت کیا ہے، دست بستہ اُن کی دربانی کا نام
نعت کیا ہے، روضہءِ اقدس پہ حیرانی کا نام

نعت کیا ہے، نکہتوں کی سَر زمیں کا تذکرہ
نعت کیا ہے، سب حسینوں سے حسیں کا تذکرہ

نعت کیا ہے، ہجر میں سانسوں کی بیتابی کا نام
نعت کیا ہے، گنبدِ خضرٰی کی شادابی کا نام

نعت کیا ہے، شہر جاں میں گرمئِ صلِّ علٰی
نعت کیا ہے، دل میں آئینے میں عکسِ مُصطفٰی:saw:

نعت کہنے کے لئے دل پاک ہونا چاہیئے
غرقِ اُلفت دیدہءِ نمناک ہونا چاہیئے


(ریاض حسین چوہدری)​

 

نعت کی اچھی تعریف کی ہے۔۔ :mashallah:

 

کاشفی بھائی! مریم جی! اور برادرِ محترم! پسندیدگی کا شکریہ۔