نعتِ رسول عربی صلی اللہ علیہ والہ وسلم - اختر علی خان اختر چھتاروی

نعتِ رسول عربی صلی اللہ علیہ والہ وسلم

کنزِ مخفی کی ہیں پہچان، رسولِ عربی صلی اللہ علیہ وسلم
مظہر ِرحمت ِرحمٰن، رسولِ عربی صلی اللہ علیہ وسلم
دیدہء شوق کا ارمان، رسولِ عربی صلی اللہ علیہ وسلم
شوق سے شوق کا پیمان، رسولِ عربی صلی اللہ علیہ وسلم
شوقِ تخلیق کا احسان، رسولِ عربی صلی اللہ علیہ وسلم
شوق کی شان کے شایان، رسولِ عربی صلی اللہ علیہ وسلم
حق نگر، حق نُما، حق شان،رسولِ عربی صلی اللہ علیہ وسلم
نور سے نور کی پہچان، رسولِ عربی صلی اللہ علیہ وسلم
مو بمو، صورت فرقان، رسولِ عربی صلی اللہ علیہ وسلم
ہو بہو، مصحفِ قرآن، رسولِ عربی صلی اللہ علیہ وسلم
باغِ توحید کی رونق، گُلِ ایقانِ وجود
جزوِ لا یُنفکِ ایمان، رسولِ عربی صلی اللہ علیہ وسلم
پہلی پہلی، سرِ آغاز، اُجالے کی کرن
مژّہء نور کا پیکان،رسول عربی صلی اللہ علیہ وسلم
شافعِ روز جزا، ساقیِ رَودِ کوثر
سیّد و سرور سلطان، رسولِ عربی صلی اللہ علیہ وسلم
نعت کہنے کا ہو اختر کو عطا، شوق و شعور
از پئے حضرتِ حسّان رضی اللہ عنہ، رسولِ عربی صلی اللہ علیہ وسلم

(اختر علی خان اختر چھتاروی )
بشکریہ: علیگڑھ اردو کلب​