میں بھی کافر تو بھی کافر ۔۔ فرقہ پرستوں کا اسلام

ایک اسلام وہ تھا جو حضور رحمت اللعالمین نے عطا فرمایا تھا جس میں سوائے تقوی کے کسی کو کسی پر برتری نہیں۔ جس میں حبشہ کا کالا کلوٹا غلام بلال ، اونچے عرب قبائل کے سرخ و سپید رنگت والے صحابہ کے لیے بھی " سیدنا بلال " بن گئے۔ جس میں اگر کوئی کافر، سینے پر چڑھے علی کی تلوار کے ڈر سے بھی کلمہ پڑھ لے تو اسکا اسلام بھی قابلِ قبول ٹھہرے۔ جس میں دورانِ جنگ ایک کافر مصطفیٰ کریم کا چہرہ دیکھ کر کلمہ پڑھے، اسی لمحے سواری سے گر کر مرجائے تو مصطفی کریم اعلان فرمائیں " جس نے جنتی کا چہرہ دیکھنا ہے ، اسے دیکھ لو"
جس اسلام میں " واعتصمو بحبل اللہ جمیع ولا تفرقو " کا حکم دیا گیا ۔
اور

ایک اسلام یہ ہے جو آج فرقہ پرست مُلا ہمیں بتا رہے ہیں

میں بھی کافر تُو بھی کافر
پھولوں کی خوشبو بھی کافر
لفظوں کا جادُو بھی کافر
یہ بھی کافر وہ بھی کافر
فیض بھی اور منٹو بھی کافر
نُور جہاں کا گانا کافر
مکڈونلدز کا کھانا کافر
برگر کافر کوک بھی کافر
ہنسنا بدعت و ہنسانا کافر
طبلہ کافر ڈھول بھی کافر
پیار بھرے دو بول بھی کافر
سُر بھی کافر تال بھی کافر
بھنگڑا اور دھمال بھی کافر
کافی اور خیال بھی کافر
وارث شاہ کی ہیر بھی کافر
چاہت کی زنجیر بھی کافر
زندہ مُردہ پیر بھی کافر
نذر نیاز کی کھیر بھی کافر
بیٹے کا بستہ بھی کافر
بیٹی کی گُڑیا بھی کافر
ہنسنا رونا کُفر کا سودا
غم کافر خوشیاں بھی کافر
جینز بھی اور گٹار بھی کافر
ٹخنوں تلے شلوار بھی کافر
فن بھی اور فنکار بھی کافر
جو میری دھمکی نہ چھاپیں
وہ سارے اخبار بھی کافر
یونیورسٹی کے اندر کافر
ڈارون بھائی کا بندر کافر
فرائڈ پڑھانے والے کافر
مارکس کے سب متوالے کافر
میلے ٹھیلے کُفر کا دھندہ
گانے باجے سارے پھندہ
مندر میں تو بُت ہوتا ہے
مسجد کا بھی حال بُرا ہے
کُچھ مسجد کے باہر کافر
کُچھ مسجد کے اندر کافر
مُسلم مُلک میں اکثر کافر
کافر کافر میں بھی کافر کافر کافر تُو بھی کافر

ہر مسلمان کو خود فیصلہ کرنا ہوگا کہ کونسا اسلام قابلِ قبول ہے ؟
سیدنا محمدِ عربی والا ۔۔۔ یا ۔۔۔ فرقہ پرست مُلا والا

 

یہ تو خیر باقاعدہ ایک سازش ہے ۔ پاک فوج کے جوانوں کے خلاف
پاکستانی فوج کے اندر شجاعت و بہادری جس سے دشمن بھی خوفزدہ ہے دراصل اسی " جذبہء شہادت" کی مرہونِ منت ہے۔ یہی وہ انسپائریشن ہے جس سے پاکستانی فوج ہر مشکل وقت میں ہردشمن کے سامنے سینہ سپر ہوجاتی ہے۔
جب لمبی لمبی داڑھی والے ایم سوشیالوجی یا 2-3 سال عربی کی بنیادی کتابیں پڑھ کر " مولانا " کہلانے والے " دہشت گردوں کو شہید اور پاک فوج کے جانثاروں " کو ہلاک کہنا شروع کردیں تو دراصل پاک فوج کے اندر اس جذبہ شہادت کی انسپائریشن کو ختم کرنے کے لیے سب کچھ کہا گیا ۔
معروف اینکر مبشر لقمان اپنے پروگرام کھرا سچ میں " جماعتِ اسلامی " کے امریکن ایمبیسی اور ان سے ہزاروں ڈالرز مانگنے کی دستاویزات دکھا چکا ہے ۔ اگر وہ سب سچ ہے تو سمجھ میں آتا ہے جماعت کے سربراہ کا یہ بیان محض اتفاقی نہیں ۔ بلکہ پاک فوج کی طرف سے جب معافی کا مطالبہ کیا گیا تو جماعت کی شوریٰ کا اجلاس بلا کر اس پر غوروخوض کیا گیا اور محترم لیاقت بلوچ نے میڈیا کے سامنے جماعت کی پالیسی رکھتے ہوئے منور حسن صاحب کے بیان کی تردید نہیں کی بلکہ الٹا فوج کو ہی " جمہوریت میں دخل اندازی " کرنے کا طعنہ دے ڈالا۔
شکر ہے کہ چند اینکرز نے اس مرحلے پر ڈاکٹر طاہرالقادری کے انٹرویوز نشر کردیے جنہوں نے قرآن و حدیث کے دلائل سے ہزاروں بےگناہ پاکستانیوں کے شہید کرنے والے طالبان دہشتگردوں کو قرآن و سنت کی روشنی میں گمراہ اور خارجی ثابت کیا اور اللہ اور رسول صلی اللہ علیہ وآلہ سلم کے واضح احکامات سنا کر پاک فوج کے جوانوں کا ایمانی جذبہ بحال کیا کہ ایسے دہشتگردوں کے خلاف جنگ عین اسلام ہے اور اس راہ میں شہادت انتہائی عظیم سعادت ہے۔