میرے دل میں ہے یہ ارمان رسول اعظمﷺ ۔۔۔ قاضی ڈاکٹر سید ساجد علی بنارسی

میرے دل میں ہے یہ ارمان رسول اعظمﷺ
جاں مری تم پہ ہو قربان رسول اعظمﷺ

عرش تا فرش نہیں کوئی بھی ہمسر ان کا​

سارے عالم میں ہیں ذی شان رسول اعظمﷺ

آپؐ آئے تو جہاں کفر سے آزاد ہوا​

ہم پہ خالق کاہے احسان رسول اعظمﷺ

رب کا عرفان زمانے کو بتانے کے لئے​

ساتھ لائے یہاں قرآن رسول اعظمؐ

اب ہے ممکن نہیں شیطاں کی عرب میں پوجا​

بسبب عرفہ کے اعلان رسول اعظمؐ

نرک کی آگ بھی باز آئے گی ان سے لوگو​

جو رہیں حامی فرقان رسول اعظمؐ

دیکھ کر جلوہ ترا دو جگہ اک ساعت میں​

ہوئے جبریلؑ بھی حیران رسول اعظمؐ

ساری مخلوق و فلک رب نے بنایا جو بھی​

سارے عالم کے ہیں سلطان رسول اعظمؐ

ابوبکرؓ و عمرؓ، عثمان غنیؓ اور علیؓ​

چاروں ہیں با وفا اقران رسول اعظمؐ

ہو گیا منٹوں میں ایوبؓ کا رتبہ بھی بلند​

جن کے گھر میں رہے مہمان رسول اعظمؐ

دید کعبہ و ترے دید کا مشتاق ہوں میں​

ہو عطا مجھ کو یہ فیضان رسول اعظمؐ

جو پڑھے مسجد نبوی میں نمازیں چالیس​

اس کا جنت بنے ایوان رسول اعظمؐ

میری کوشش میں کرو اپنی رضا بھی شامل​

دو مری راہ کو پہچان رسول اعظمؐ

معاف ساجدؔ کو اے محبوب الٰہی کر دو​

بخش دو ثروت اذہان رسول اعظمؐ
٭٭٭

قاضی ڈاکٹر سید ساجد علی بنارسی ۔(بنگلور)​

 

اللہ تعالیٰ آپ کو بھی جزائے خیر عطا کرے آمین

 

سبحان اللہ ۔ جزاک اللہ

 

اللہ تعالیٰ آپ کو بھی جزائے خیر عطا کرے آمین