میری ایک غزل احباب کی نذر

وحشتیں ہیں چار سو رقصاں ترے جانے کے بعد
سونی سونی ہیں بھری گل یاں ترے جانے کے بعد
کیا بتاوں جاں کو میری کیسے کیسے روگ ہیں
کس قدر ہے زندگی ویراں ترے جانے کے بعد
چاندنی پھیکی پڑی ہے چاند بھی ہے دم بخود
تھم گئی ہے گردشِ دوراں ترے جانے کے بعد
ہم نے مانا دن غمِ دوراں میں کٹ ہی جائے گا
کس طرح بیتے شبِ ہجراں ترے جانے کے بعد
تھا یقیں مجھ کو تمھارے لوٹ آنے کا مگر
پھر بھی شبنم تھی سرِ مژگاں ترے جانے کے بعد
اس زمانے کے بھنور میں بہہ گیا بے دست و پا
رہ گیا سعدی تہی داماں ترے جانے کے بعد

 

تھا یقین مجھ کو تمھارے لوٹ آنے کا
۔۔۔۔۔۔۔۔۔۔۔
شاندار ہے بھائی

 

بہت عمدہ جناب

 

بہت بہترین لڑی ارسال کی جناب نے، بیحد پسند آئی۔۔ ذوق آباد رہے۔۔

 

ہم نے مانا دن غمِ دوراں میں کٹ ہی جائے گا
کس طرح بیتے شبِ ہجراں ترے جانے کے بعد
واہ ،،