میاں بیوی کے لطیفے (لطائف نہیں)

فوجی کی ڈیوٹی ایک بارڈر ایریا پر تھی ۔ چھٹی ملنا مشکل تھا۔ ایک دن اسے اپنی ساس کی طرف سے خط موصول ہوا۔
" دیکھو بیٹا ! میری بیٹی یعنی تمھاری بیگم بہت اکیلی رہتی ہے۔ تمھاری پورے خاندان اور گھر کے کام کاج کرتی ہے۔ ایک تم ہو کہ نوکری سر پر اٹھا رکھی ہے۔ کئی کئی مہینوں تک گھر نہیں آتے۔
اب جلدی سے کوئی نہ کوئی بہانہ بنا کر چھٹی لے کر گھر آؤ"
فوجی نے چٹھی پڑھی ۔ جواب لکھا اور ساس کو پارسل کردیا۔

ساس کو پارسل موصول ہوا تو اس میں ایک گرنیڈ تھا اور خط تھا۔ لکھا تھا
" آنٹی جی ۔ اگر آپ اس امرود نما چیز کی پن کھینچ لیں تو مجھے ایک ہفتہ چھٹی مل سکتی ہے۔ "

 

شوہر نے بات کی
بیگم نے اختلاف کیا
شوہر نے دلیل دی
بیگم نے بحث شروع کردی
شوہر نے دھیمی آواز میں سمجھانے کی کوشش کی
بیگم نے چیخنا شروع کردیا
شوہر تنگ آکر خاموش ہوگیا
بیگم نے ردِّعمل نہ دیکھ کر رونا شروع کردیا
شوہر نے معافی مانگی
بات ختم ہوگئی۔

 

کہیڑی گل دی ؟

 

ایک صاحب انتہائی پریشان حالت میں اپنی گم شدہ بیوی کی رپورٹ درج کروانے پولیس سٹیشن پہنچے
پولیس آفیسر: آپ کی بیگم کب سے غائب ہیں ؟
شوہر: کنفرم نہیں لیکن میرا خیال ہے کل شام یا دوپہر سے باہر نکلی تھی
آفیسر: محترمہ کا قد کتنا ہے ؟
شوہر: کنفرم نہیں ۔ کبھی ناپا نہیں
آفیسر: بالوں کا رنگ ؟
شوہر: گاہے بگاہے ہیرکلر تبدیل کرتی رہتی ہے
آفیسر: عمر کتنی ہے؟
شوہر: کنفرم نہیں۔ آفیشل ڈاکومنٹ میں 35 ہے۔ ویسے 25 بتاتی ہے
آفیسر: آپکی بیگم جب گئی تو اس نے کونسا لباس پہنا تھا؟
شوہر: کنفرم نہیں۔ سوٹ پہنا ہوا تھا لیکن اوپر جیکٹ پہنی ہوئی تھی
آفیسر: جیکٹ کونسے کلر کی تھی ؟
شوہر: ڈبل سائیڈڈ جیکٹ تھی ۔ پتہ نہیں بلیک یا پنک سائیڈ تھی
آفیسر: اچھا آپ کی بیگم گھر سے کیسے گئی؟
شوہر: میری ذاتی کار میں۔
آفیسر:کونسی کار تھی ؟
شوہر: (ٹھنڈی آہ بھر کر )۔۔مرسٹیڈیز بینز ماڈل 2013 لیٹ ایڈیشن، 5 سیریز، بلیک کلر، سپر چارج، 8والوز، 429 ہارس پاور انجن، ٹربوپاور، فور ویلزڈرائیو، آٹو میٹک جمع مینول فنکشن، لیدر سیٹنگ، LEDمانیٹر، معہ ہائی فائی ساؤنڈ سسٹم، (شوہر کی آنکھوں میں آنسو آگئے۔۔ مزید بولا ۔۔) ایلومینم باڈی اے کلاس وینڈشیلڈسکرین، میجک سکائی روف سسٹم ۔۔ اور ۔۔۔
آفیسر : اوکے سر ۔۔ تسلی رکھیں۔ ہم بہت جلد آپ کی کار کا سراغ لگا لیں گے۔

 

سو سنار کی ۔۔۔ جواب میں ایک لوہار کی

 

بلال بھائی ۔ آپ فی الحال ایسے لطیفوں سے گریز کیا کریں۔ مستقبل میں مضمرِ صحت ثابت ہوسکتے ہیں۔

 

وہ کونسی عورت ہے جس کو سو فیصد یقین ہوتا ہے کہ اسکا شوہر اس وقت کہاں ہے؟
-

سوچو

۔


کچھ سمجھ آیا ؟


۔


وہ عورت ہے



بیوہ عورت

 

شوہر کا پیغام
آفس سے واپسی کا وقت ہوچکا تھا۔ لیکن شوہر ابھی تک گھر نہیں پہنچا۔ اچانک بیگم کے فون پرشوہر کا ایس ایم ایس آیا
ڈئیر! پریشان نہیں ہونا میں ہسپتال میں ہوں۔ آفس سے نکلتے وقت سیڑھیوں سے پاؤں پھسلا ۔میں تکلیف کی وجہ سے نیم بےہوشی کی حالت میں چلا گیا۔ ایک خاتون نےہمدردی کرکے ایمبولنس کو فون کیااور میں ہسپتال پہنچا۔ ڈاکٹرز نے ٹیسٹ کیے ہیں۔ پلیز پریشان نہیں ہونا۔ سر میں ہلکی سی چوٹ آئی ہے۔ چہرے پر بظاہر خراش ہے لیکن جبڑہ شدید زخمی ہے۔ ایک بازو بھی ٹوٹا ہے۔ ڈاکٹرزنے ٹانگ پر بھی پلاسٹر چڑھایا ہے جس کی وجہ سے فی الحال چل پھر نہیں سکتا۔ پلیز پریشان نہیں ہونا۔ دو پسلیاں کریک ہوئی ہیں۔ لیکن ڈاکٹرز کا کہنا ہے کچھ عرصہ تک خود بخود ٹھیک ہوجائیں گی۔ میں نے سوچا تمھیں پیغام کرکے اطلاع کردوں۔ "
بیوی کا جواب
وہ ہمدرد خاتون کون تھی ؟

 

بیویاں اپنی ذہانت کو نجانے کیوں ایک ہی نقطے پر مرکوز رکھتی ہیں؟

 

سبق مل گیا کہ میسج میں آئندہ "ہمدرد خاتون "کا ذکر نہیں کرنا چاہیے۔

 

فرہنگ اردو میں "بیوی" کے معانی میں سے ایک معنیٰ "شکی عورت" بھی ہونا چاہیے۔ @محبوب خان یا @واصف حسین توجہ دیں تو یہ اردو لغت کی عظیم اور حقیقی خدمت ہوسکتی ہے۔

 

گفتگو کا ماحصل یہ کہ صنفِ نازک کی عین مطابقت میں یہ مسئلہ اتنا آسان نہیں جتنا بظاہر نظر آتا ہے۔

 

دعوت دینے اور غور و حوض کرنے میں کوئی مضائقہ نہیں۔ مگر تاریخ ِ عالم شاہد ہے کہ اس "مسئلہ" کے آگے بڑے بڑے افلاطون و ارسطو بھی "بےبس" رہے۔