موڑ لو دل کو مدینے کی طرف

نعت رسول اللہ صلی اللہ علیہ وآلہ وسلم
(صبا اکبر آبادی)

موڑ لو دل کو مدینے کی طرف
اب چلو یارو مدینے کی طرف

شوق بے پایاں سے جو لرزاں‌ہوں
لے چلو مجھ کو مدینے کی طرف

حج بیت اللہ سے فارغ‌ہوئے
آؤ اب دوڑو مدینے کی طرف

ہر طرف سے خود ہی دل پھر جائے گا
دیکھنا لوگو مدینے کی طرف

صدق دل سے طواف کعبہ کر لیا
اور اب آؤ مدینے کی طرف

ہر کہیں جانا ضروری تو نہیں
جاؤ تو جاؤ مدینے کی طرف

آنے والی ہے مدینے سے ہوا
کر کے رُخ بیٹھو مدینے کی طرف

ہے یہاں تو بیقراری ہر گھڑی
ہے سکوں یاروں مدینے کی طرف

دل وہیں ہوگا وہیں مل جائے گا
آکے دیکھو تو مدینے کی طرف

تم صبا کو ڈھونڈنے نکلو اگر
پاؤ گے اس کو مدینے کی طرف​

 

جزاک اللہ کاشفی بھائی ۔ خوبصورت نعت شریف ہے۔

ہے یہاں تو بیقراری ہر گھڑی
ہے سکوں یارو! مدینے کی طرف
حق فرمایا ۔سبحان اللہ ۔

 

دوست ماشاءاللہ آپ نے بہت اچھی نعت شیئر کی ہے جزاک اللہ