موتی نہیں ہوں ریت کا ذرہ تو میں بھی ہوں

تیمور حسن سے ہمارا تعارف ایک عالمی مشاعرہ میں ہوا تھا، کلام شاعر بزبان شاعر عموما ایک عمدہ تجربہ ہوتا لیکن یہ تجربہ ہمارے لیئے بھولنا ممکن نہیں کیوںکہ ہم تیمور صاحب کے نام اور کلام سے بالکل نا آشنا تھے۔۔۔ اور اتنے عمدہ شاعر اگر آپ کے سامنے اپنا کلام پڑھ رہے ہو تو بے اختیار دل جھوم اٹھتا اور یقین کامل ہوجاتا کہ اردو زبان مضبوط ہاتھوں میں ہے۔۔۔۔ ان کی سنائی ہوئی ایک غزل سب دوستوں کے نام

موتی نہیں ہوں ریت کا ذرہ تو میں بھی ہوں
دریا ترے وجود کا حصہ تو میں بھی ہوں

اے قہقہے بکھیرنے والے، تو خوش بھی ہے؟
ہنسنے کی بات چھوڑ کہ ہنستا تو میں بھی ہوں

مجھ میں اور اس میں صرف مقدر کا فرق ہے
ورنہ وہ شخص جتنا ہے اتنا تو میں بھی ہوں

اس کی تو سوچ، دنیا میں جس کا کوئی نہیں
تو کس کے لیئے اداس ہے تیرا تو میں بھی ہوں

اک ایک کر کے ڈوبتے تارے بجھ گئے
مجھ کو بھی ڈوبنا ہے ستارہ تو میں بھی ہوں

اک آئنے میں دیکھ کے آیا ہے یہ خیال
میں کیوں نہ اس سے کہ دوں کہ تجھ سا تو میں بھی ہوں

 

جواب: موتی نہیں ہوں ریت کا ذرہ تو میں بھی ہوں

بہت خوب۔۔ :a180:
خاص کر یہ شعر تو بہت ہی اچھا ہے۔۔

 

جواب: موتی نہیں ہوں ریت کا ذرہ تو میں بھی ہوں

جی درست فرمایا آپ نے ، اور یہ تو مشہور شعر ہے ، پہلے بھی کئی جگہ سنا اور پڑھا ہے۔
عمدہ انتخاب کیا آپ نے۔
ایک دو اشعار میں شاید کچھ الفاظ آپ زائد یا آگے پیچھے لکھ گئیں ہیں۔ ذرا نظر ِ ثانی کر لیجیے گا۔

 

جواب: موتی نہیں ہوں ریت کا ذرہ تو میں بھی ہوں

واہ واہ واہ۔۔ بہت ہی اعلی شاعری ہے۔ بہت پسند آئی
ممکن ہوتو تیمور صاحب تک ہماری طرف سے داد و ستائش پہنچا دیجئے گا۔

 

جواب: موتی نہیں ہوں ریت کا ذرہ تو میں بھی ہوں

بہت خوب
:a165: