موبائیل فون کے بدلتے رنگ

موبائل فون کے بدلتے رنگ​

دنیا میں موبائل فون صارفین کی تعداد دو ارب ستر کروڑ ہو چکی ہے​

موبائل فون کا استعمال دنیا میں کس رفتار سے بڑھا ہے اس کا اندازہ اس بات سے لگایا جا سکتا ہے کہ اسّی کی دہائی میں تخمینہ لگایا گیا تھا کہ نئی صدی کے آغاز پر دنیا میں موبائل فون صارفین کی کل تعداد ہوگی لیکن سال دو ہزار میں ہر انیس گھنٹے بعد نو لاکھ موبائل فون فروخت ہو رہے تھے۔
سال دو ہزار چھ کے اختتام پر دنیا میں موبائل فون صارفین کی تعداد دو ارب ستر کروڑ ہو چکی ہے، جو اگلے برس تین ارب سے بڑھ جائے گی یعنی دنیا کی نصف آبادی کے برابر۔

انفارما ٹیلیکام اینڈ میڈیا نامی فرم کی طرف سے جاری کردہ اعداد و شمار کے مطابق صرف سال دو ہزار چھ میں پچانوے کروڑ موبائل فون فروخت ہوئے ہیں اور سال دو ہزار سات میں یہ تعداد ایک ارب سے زائد ہونے کا امکان ہے۔

بھارت، چین، افریقہ اور لاطینی امریکہ وہ نئی منڈیاں ہیں جہاں موبائل فونز کی طلب میں تیزی سے اضافہ ہو رہا ہے۔ ان علاقوں میں فروخت ہونے والے موبائل فون سادہ ساخت کے ہیں، جبکہ ترقی یافتہ ممالک میں ہائی ٹیک ماڈلز کی مانگ بڑھ رہی ہے۔

فروخت میں اضافہ

سال دو ہزار چھ میں پچانوے کروڑ موبائل فون فروخت ہوئے ہیں اور سال دو ہزار سات میں ان کی فروخت ایک ارب سے زائد ہونے کا امکان ہے


اسی رحجان اور نت نئی تبدیلیوں پر موٹو رولا کمپنی کے ایک اہلکار نے تبصرہ کرتے ہوئے کہا ’ آلہ جسے کبھی موبائل فون کہا جاتا تھا‘۔ یورپ میں اب اسے ایم پی تھری، طاقتور کیمرے اور پیچیدہ گیمز کے بغیر مکمل نہیں سمجھا جاتا۔

لیکن بات اب صرف یہاں تک نہیں رھی۔ توقع کی جا رہی ہے کہ آنے والے برس ایسے ’سمارٹ‘ موبائل سیٹ بازار میں دستیاب ہونگے جن میں ٹی وی اور سیٹلائٹ نیویگیشن (نقشہ جس کی مدد سے سفر میں رہنمائی حاصل کی جاتی ہے) کی سہولتیں موجود ہونگی۔

اس کے علاوہ موبائل فونز پر ای میل وصول کرنے اور بھیجنے کے رحجان میں مزید اضافہ ہوگا۔ اس حوالے سے امریکی کمپیوٹر ساز کمپنی ’ایپل‘ کے بارے میں کہا جا رہا کہ وہ ایک ایسا موبائل فون مارکیٹ میں لانے والی ہے جس میں اس کے معروف ’آئی پاڈ‘ کی خصوصیات بھی موجود ہونگی۔
ہائی ٹیک موبائل فونز کی قیمتیں زیادہ اور وائرس کے حملے کا خطرہ بھی ہوگا

لیکن آنے والے سال میں موبائل فونز کے بارے میں ان تمام شاندار خبروں کے بعد جو عوامل پریشانی کا باعث ہیں وہ ہیں ان خصوصیات کے حامل سیٹس کی قیمتیں اور ان کے سافٹ ویئر پر وائرس کے حملے کا بڑھتا ہوا خطرہ۔

اینٹی وائرس سافٹ ویئر بنانے والی کمپنی ’مکیفی‘ کے مطابق کمپیوٹر کے بدنام زمانہ وائرس ’ٹروجن‘ کو ایس ایم ایس کے ذریعے موبائل فونز پر بھیجنے کا سلسلہ شروع ہوچکا ہے اور نئے سیٹس پر ای میل کے استعمال سے ان حملوں میں اضافہ ہوگا۔

 

آگے آگے دیکھیئے ہوتا ہے کیا

 

نعیم بھائی ! آخر آپ کس فیلڈ کے آدمی ہیں ؟؟
ہر موضوع پر کچھ نہ کچھ اظہارِ خیال کر لیتے ہیں ماشاء اللہ
:a180: :a165:

 

شکریہ عقرب بھائی !! آپ کی محبت ہے جو ایسا سمجھتے ہیں۔

بس کبھی کبھار تھوڑا بہت مطالعہ کرنے سے جو کچھ سمجھ آتا ہے چاہتا ہوں کہ دوسرے بھائیوں سے شئیر کر لوں۔
بس اتنی سی بات ہے !!

 

نعیم صاحب ۔ اتنی مفید معلومات شیئر کرنے پر بہت شکریہ

 

دو دن سے نعیم صاحب شاید کسی نئےعلمی خزانے کی تلاش میں سرگرداں ہیں اسی لئے ہماری اردو پر حاضر نہیں ہوئے ۔

 

لو جی میں حاضر ہو گیا۔
ہماری اردو پیاری اردو میرے آئی ایس پی سے کسی وجہ سے بلاک ہو گیا تھا اور صرف یہی سائٹ نہیں کھل رہی تھی۔

میں نے خود بھی آپ سب لوگوں کو بہت مِس (یاد) کیا۔
امید ہے آپ سب خیریت سے ہوں گے

 

نعیم کے آجانے سے آتی ہے ہماری اردو پر رونق ۔

 

سب پھولوں سے مل کر ہی گلدستہ بنتا ہے شیر افضل بھائی ۔
اللہ تعالی ہم سب کو دوستی کی لڑی میں پروئے رکھے۔ آمین

 

آمین۔

نعیم بھائی ۔ بہت خوبصورت بات کہی‌ آپ نے۔ :a180:

 

لگتا ہے شیرافضل صاحب کا نعیم صاحب کے ساتھ کوئی خاص دوستانہ ہو گیا ہے۔
جبھی تو انکی ایک غیر حاضری پر اتنا پریشان ہو گئے۔

 

جو دوستی کا ہاتھ بڑھائے اس سے دوستی کر لینا چاہیئے۔

زاہرا جی آپ کے لیے بھی سبق ہے

 

ہماری اردو پر کل پیغامات =21383
نعیم صاحب کے پیغامات =3117
باقی صارفین کے پیغامات = 21383-3117=18266
اگر نعیم صاحب کے پیغامات نہ ہوتے تو باقی پیغامات=18266÷3=6088 تقریباً
کیونکہ یہ سب ہی جانتے اور مانتے ہیں کہ نعیم صاحب کی بات سے بات چلتی ہے۔ ان کے ایک دن غیر حاضر رہنے پر اس چوپال پر جمود طاری ہو گیا تھا ۔

 

کیا ہم موبائل فون application softwares یہاں شئیر کر سکتے ہیں؟؟؟

 

شیر افضل بھائی۔ میرے خیال میں تو بہتر ہے کیونکہ اس سے بھی علم میں اضافہ ہوگا۔اور دوسرا آج کل ویسے بھی موبائل کا دور دورہ ہے۔ شروع آپ کریں اک نئی لڑی میں اور میں آپ کے ساتھ ہوں۔