ملی خدا سے ہی فاروق کو خلافت ہے ۔۔ریاض احمد قادری

ملی خدا سے ہی فاروق کو خلافت ہے
اسی کی راہ میں ہی مل گئی شہادت ہے

انہی کا عدل ہے ضرب المثل زمانے میں
انہی کے نام سے منسوب اب عدالت ہے

شجاع اتنے زیادہ کہ کلمہ پڑھتے ہی
دی خانہ کعبہ میں اسلام کی شہادت ہے

کئی ہزار مربع علاقے فتح کئے
انہی کی ہر جگہ قائم رہی حکومت ہے

کہا انہوںؐ نے جوہوتے نبی عمر ہوتے
ملی حضورؐ کی فاروق کو نیابت ہے

بہت سے محکمے بہبود کے کئے قائم
مسلم آپ کی ہر اک جگہ فراست ہے

ریاضؔ ان کے توسط سے مانگ لینا دعا
خدا کے در پہ وسیلے میں ہی اجابت ہے
-----
ریاض احمد قادری​