مصری عوام کے لئے انتہائی اہم دن

مصری عوام کے لئے انتہائی اہم دن​

مصری فوج کی طرف سے مصر کے صدر مرسی کو دئیے گئےالٹی میٹم کا وقت آج بدھ کو مقامی وقت کے مطابق تقربیاً 4:40 بجے ختم ہوجائے گا۔فوج نے کہاہے کہ اگرصدر مرسی اور مخالف جماعتیں شراکت اقتدار کے کسی معاہدے پر متقفق نہ ہوئیں تو فوج آئین کو معطل کرکے اپنے روڈ میپ پر عمل کرائے گی۔
دوسری طرف گزشتہ شب صدر مرسی نے ٹیلی وڑن پر قوم سے خطاب کرتے ہوئے فوج کےالٹی میٹم کو مسترد کرتے ہوئے اقتدار چھوڑنے سے انکار کر دیا ہے۔
یاد رہے کہ صدر مرسی کے اقتدار کو ایک سال مکمل ہونے پر اتوار سے ملک بھر میں مظاہرے جاری ہیں اور قاہرہ کے تحریر اسکوائر پر اس وقت ہزاروں افراد صدر مرسی کے خلاف نعرہ زن ہیں اسی طرح مصر کے بعض علاقوں میں صدر مرسی کے حامی بھی جلوس نکالے ہوئے ہیں۔
محمد مرسی نے اپنے خطاب میں اقتدار چھوڑنے سے انکار کرتے ہوئے فوج سے الٹی میٹم واپس لینے کا مطالبہ کیا انہوں نے کہاکہ الیکشن آزاد، شفاف اور عوامی خواہشات کے مطابق ہوئے ہیں اور وہ شفاف انتخابات کے ذریعے صدر منتخب ہوئے ہیں لہذا وہ کسی غیر ملکی قوت کی ڈکٹیشن قبول نہیں کریں گے اور کسی صورت میں بھی مستعفی نہیں ہونگے۔انہوں نے یہ بھی تسلیم کیا کہ ان سے بہت ساری غلطیاں ہوئی ہیں اور عوام کو انہوں نے اپنی غلطیوں کے ازالے کا وعدہ بھی دیا ہے۔
ان کے خطاب کے دوران قاہرہ یونیورسٹی کے قریب ان کے حامیوں کے جلوس پر فائرنگ کی گئی جس کے نتیجے میں 3 افراد مارے گئے اور تقریبا ایک سو کے لگ بھگ زخمی ہوگئے۔
آج کا دن مصر کی عوام اور صدر مرسی کے لئے انتہائی اہم دن ہے۔خدا وند عالم عالم اسلام کی حفاظت فرمائے اور مسلمان حکمرانوں کو حکومتی اقدامات کو نمٹانے کی بصیرت اور امت مسلمہ کی خدمت کرنے کی ہمت عطا فرمائے۔
آمین ثم آمین