مرے آقاﷺ تشریف لائیں گے اِک دِن ۔۔ شیخ صدیق ظفرؔ

مرے آقاﷺ تشریف لائیں گے اِک دِن
مرے قلب و جاں میں سمائیں گے اِک دِن

میں بے آسرا، بے نوا، دربدر ہوں
مجھے اپنے در پہ بلائیں گے اِک دِن

سخی در وہ ایسا ہے جس در سے، مُجھ سے
سگِ در بھی خیرات پائیں گے اِک دِن

وہ روضۂ اطہر، وہ محراب و منبر
فقیروں کو آقاﷺ دکھائیں گے اِک دِن

اُنھیؐ سے میں مانگوں محبت اُنھی کی
مری التجا مان جائیں گے اِک دِن

اُتر جائیں گے بحرِ عشق نبیؐ میں
نشاناتِ دوئی مٹائیں گے اِک دِن

بوقتِ نزع آپﷺ کی دید ہو گی
ظفرؔ! غمزدہ مسکرائیں گے اِک دِن
٭٭٭
خزینۂ حمد و نعت ﷺ ۔۔۔ شیخ صدیق ظفرؔ​

 

اللہ تعالیٰ آپ کو بھی جزائے خیر عطا کرے آمین

 

سبحان اللہ ۔ جزاک اللہ

 

اللہ تعالیٰ آپ کو بھی جزائے خیر عطا کرے آمین