مری ہر نعت کا لہجہ نیا اوّل سے آخر تک ۔۔۔ فرحت حسین خوشدل

مری ہر نعت کا لہجہ نیا اوّل سے آخر تک
مرا ہر شعر ہے رب کی عطا اوّل سے آخر تک

میں اپنے دل سے کچھ لکھتا نہیں مدح محمد میں
ثنا خواں ہوں بحکم کبریا اوّل سے آخر تک

یقیناً دور ہوں گے مسئلے سب عصر حاضر کے
ترے پیش نظر ہوں مصطفیٰﷺ اوّل سے آخر تک

شفاعت کی طلب سب کو یقیناً حشر میں ہو گی
نبیﷺ کے عشق میں تو ڈوب جا اول سے آخر تک

وہی ملجا و ماوی ہیں یقیناً سن لے اے خوشدلؔ
نبیﷺ کا جو ہوا اس کا خدا اوّل سے آخر تک
٭٭٭
فرحت حسین خوشدل ۔۔۔ آئینۂ عقیدت​

 

اللہ تعالیٰ آپ کو بھی جزائے خیر عطا کرے آمین

 

سبحان اللہ ۔ جزاک اللہ

 

اللہ تعالیٰ آپ کو بھی جزائے خیر عطا کرے آمین