السلام علیکم ورحمتہ اللہ وبرکاتہ یہ بی بی سی کی تازہ ترین رپورٹ ہے -------------------------------- مریخ پر مٹی و ریت کے فوارے سائنسدانوں کا کہنا ہے کہ مریخ پر مٹی اور ریت کے فوارے ملے ہیں۔ امریکہ میں یونیورسٹی آف ایریزونا کی تحقیقاتی ٹیم نے بتایا ہے مریخ کے گرد گھومنے والے ایک کیمرے کی تصاویر پر برف کو توڑ کر نکلنے والے مٹی اور ریت کے فوارے نظر آئے ہیں۔ ان فواروں کی رفتار سو میل فی گھنٹہ ہے۔ ’تھرمل ایمِشن امیجنگ سسٹم‘ یا ’تھمیِس‘ نامی یہ کیمرا مریخ کے گرد گھومنے والے تحقیقاتی ’پروب‘ مارز اوڈیسی پر نصب ہے۔ فوارے سے نکلنے والے ملبے سے برف پر گہرے رنگ کے نشانات پڑے دکھائی دیتے ہیں۔ سائنسدانوں نے بتایا ہے کہ یہ فوارے اس وقت پھوٹے جب مریخ کی برفانی سطح پر دھوپ کی گرمی نے زیر زمین کاربن ڈائی اوکسائڈ کو گیس میں تبدیل کر دیا اور اس گیس کے دباؤ سے یہ فوارے پطوٹ پڑے۔ ایریزونا سٹیٹ یونیورسٹی کے ڈاکٹر فِل کرسٹنسن کے مطابق ’اگر آپ وہاں موجود ہوتے تو آپ کاربن ڈائی اوکسائڈ کی جمی برف پر کھڑے ہوتے اور آپ کے ارد گرد کئی سو فٹ بلند فوارے ریت اور مٹی اچھال رہے ہوتے۔‘ ڈاکٹر فِل کرسٹنسن نے بتایا ہے کہ یہ قرہ الارض پر ہونے والے حرکات سے بالکل مختلف ہے۔ سینکڑوں تصاویر کا جائزہ لینے کے بعد ڈاکٹر کرسٹنسن کی ٹیم کو ان فواروں کا پتہ چلا۔ ان کی یہ تحقیق جریدہ ’نیچر‘ کے تازہ شمارے میں شائع ہوئی ہے۔
مزید معلومات کے لیے اس ربط پر کلک کیجیے http://www.bbc.co.uk/urdu/science/story ... s_uk.shtml خوش رہیں