مرا قیام مدینے میں عمر بھر کر دے ۔۔۔ سبحان الدین گل بخشالوی

مرا قیام مدینے میں عمر بھر کر دے
مرے خدا تو مدینے کو میرا گھر کر دے

حرم شریف کو دیکھوں میں خواب میں اکثر
مرے نبیﷺ تو مجھے اتنا معتبر کر دے

مرے خدا کا بڑا اور کیا کرم ہو گا
اگر حیات مدینے میں مختصر کر دے

صدائے حق مری پہچان ہو نبیﷺ میرے
رہ حیات میں اتنا مجھے نڈر کر دے

مہک اُٹھیں در و دیوار میرے گھر کے یوں
مری دعا کو مرے گھر میں با اثر کر دے

سدا بہار تری زندگی رہے گی گلؔ
نبیﷺ سے عشق اگر اپنا ہم سفر کر دے
٭٭٭
گلستانِ نعتﷺ ۔۔ سبحان الدین گل بخشالوی​

 

اللہ تعالیٰ آپ کو بھی جزائے خیر عطا کرے آمین

 

سبحان اللہ ـ جزاک اللہ

 

اللہ تعالیٰ آپ کو بھی جزائے خیر عطا کرے آمین