لفظی تکرار والا شعر لکھیں

کبھی وہ شام کہ تھا ایک صبح کا عالم
کبھی یہ صبح کہ شرمائے جس سے چہرۂ شام

 

آج میں تجھ سے دور صحیح اور تو مجھ سے انجان صحیح
تیرا ساتھ نہیں پاؤں تو خیر تیرا ارمان صحیح

 

کچھ پیاس ہے اُس حُسن کو بھی میری نظر کی
کچھ حُسن کا پیاسا ہے مِرا حُسنِ نظر بھی

 

حسن صورت چند روزہ حسن سیرت مستقل
اس سے خوش ہوتی ہیں آنکھیں' اس سے خوش ہوتا ہے دل

 

زندگی کیا تری آہٹ کی صدا ہو جیسے
بندگی کیا، ترے ملنے کی دعا ہو جیسے

 

صحیح درست نہیں ۔۔۔۔ اس کی جگہ سہی آنا چاہئے

 

دل مرا سوز نہاں سے بے محایا جل گیا
آتش خاموش کے مانند گویا جل گیا
غالب

​

 

نہ وہ آنکھ ہی تیری آنکھ تھی نہ وہ خواب ہی تیرا خواب تھا
دلِ منتظر تو یہ کس لئے تیرا جاگنا اُسے بھول جا

 

جو بساط جاں ہی الٹ گیا، وہ جو راستے سے پلٹ گیا
اُسے روکنے کا حصول کیا، اُسے مت بلا، اُسے بھول جا
امجد اسلام امجد

 

پینا نہ چاہتا تھا مگر اس کے باوجود
تھم تھم کے ، سوچ سوچ کے ، لہرا کے پی گیا

 

افسوس اے عزیزاں وہ سیم بر نہ آیا
مجھ درد کی خبر سن وہ بے خبر نہ آیا

 

تجھ پہ اگر نظر پڑے تُو جو کبھی ہو رُو برو
دل کے معاملے کروں تجھ سے بیان دو بدو

ہے تیرے غم میں جانِ جاں آنکھوں سے خونِ دل رواں
دجلہ بہ دجلہ یم بہ یم چشمہ بہ چشمہ جُو بہ جُو

قوسِ لب و خُمِ دَہن، پہ دو زلفِ پُر شکن
غنچہ بہ غنچہ گُل بہ گُل لالہ بہ لالہ بو بہ بو

دامِ خیالِ یار کے ایسے اسیر ہم ہوئے
طبع بہ طبع دل بہ دل مہر بہ مہر خو بہ خو

ہم نے لباس درد کا قالبِ جاں پہ سی لیا
رشتہ بہ رشتہ نخ بہ نخ تار بہ تار پو بہ پو

نقش کتابِ دل پہ تھا ثبت اُسی کا طاہرہؔ
صفحہ بہ صفحہ لا بہ لا پردہ بہ پردہ تو بہ تو

شیشۂ ریختہ میں دیکھ لعبتِ فارسی فرازؔ
خال بہ خال خد بہ خد نکتہ بہ نکتہ ہو بہ ہو

 

بیداد کے خوگر تھے، فریاد تو کیا کرتے!
کرتے، تو ہم اپنا ہی، کچھ تم سے گلہ کرتے
(فانی بدایونی)

 

پتہ لگائے کوئی کیا میرے پتے کا پتہ
. میرے پتے کا پتہ ہے کہ لاپتہ ہوں میں

 

وہ مجھ کو بھول گئے میں جہاں کو بھول گیا
کچھ اختیار انہیں تھا کچھ اختیار مجھے

 

خار غم دل میں کھٹکنے لگے نشتر کی طرح
سرخ آنکھیں ہوئیں جام گل احمر کی طرح

​

 

طوفاں نہیں گزرے کہ بیاباں نہیں گزرے
ہم مرحلہ زیست سے آساں نہیں گزرے

 

باہوش ہوں مگر مرا دامن ہے چاک چاک
عالم یہ دیکھ دیکھ کے حیراں ہے کیا کروں

 

بہت خوب
عمدہ انتخاب

 

جو آشنا تھا مجھ سے بہت دور رہ گیا
جو ساتھ چل رہا تھا، مرا آشنا نہ تھا

(واصف علی واصف)

 

یقیں ، لائیں توکیا لائیں جو شک لائیں توکیا لائیں
کہ باتوں میں تِری سچ جُھوٹ کا اِمکان نہیں ہوتا
فراق گورکھپوری

 

مِرے مذاقِ سُخن کو سُخن کی تاب نہیں
سُخن ہے نالۂ دل ، نالۂ رباب نہیں
حفیظ جالندھری

 

دو وقت مجھ پر کٹھن گزرے ہیں ساری عمر میں
اک ترے آنے سے پہلے، اک ترے جانے کے بعد
)داغ دہلوی(

 

دیکھا نہیں وہ جلوہ جو دیکھا ہُوا سا ہے
اِس طرح وہ عیاں ہیں، کہ گویا عیاں نہیں
فانی بدایونی

 

میرے بارے میں ہواؤں سے وہ کب پوچھے گا
خاک جب خاک میں مل جائے گی تب پوچھے گا
(بشیر بدر)

​

 

سوزشِ دل سے ہے اُف اُف شبِ تنہائی میں
ہائے رہ رہ کے ٹپکتا ہے یہ پھوڑا کیا کیا
صبا لکھنوی

 

نکال اب تیر سینے سے کہ جانِ پُرالم نکلے
جو یہ نکلے تو دل نکلے جو دل نکلے تو دم نکلے
داغ

 

کیا کیا تڑپ تڑپ کے پکارے ہیں تم کو ہم
کیا کیا اٹھا ہے درد، دلِ بے قرار میں

رگ رگ سے آ کے لے گیا چن کر خیالِ دوست
جس جس جگہ تھا د ردلِ بے قرار میں