لفظِ “یاد“ پر شعر کہیں

یہاں ایک نیا سلسلہ شروع کیا جا رہا ہے۔ یہاں آپ ایسے اشعار دیں گے جس میں لفظِ یاد استعمال ہو۔

یاد کر کے اور بھی تکلیف ہوتی تھی عدم
بھول جانے کے سِوا کوئی بھی تو چارہ نہ تھا​

 

نہیں آتی تو یاد ان کی مہینوں تک نہیں‌آتی
مگر جب یاد آتے ہیں‌تو اکثر یاد آتے ہیں

 

رنج غم درد الم یاس تمنا حسرت
اک تری یاد کے ہونے سے ہے کیا کیا دل میں

 

وہ مجھے یاد تو کرتا ہے مگر یوں جیسے
گھر کا دروازہ کسی رات کُھلا رہ جائے​

 

اجالے اپنی یادوں کے ہمارے ساتھ رہنے دو
نجانے کس گلی میں‌زندگی کی شام ہو جائے

 

تم بھول گئے مجھ کو تو کیا اِس میں تعجب
اِس دَور میں کرتا ہے کسے، کون، کہاں یاد​

 

سبق جس کو وفا کا یاد ہو گا
محبت میں‌وہی برباد ہوگا

 

سکوں لُوٹ کر کر پھر ستانے لگے ہیں
نہ جانے وہ کیوں یاد آنے لگے ہیں
نہ جانے وہ اِک لمحہءِ قُرب کیا تھا
تعاقب میں جس کی زمانے “لگے ہیں“​

 

تمہاری یاد کے جب زخم بھرنے لگتے ہیں
کسی بہانے تمہیں یاد کرنے لگتے ہیں​

 

تیری نسبت، ترا ارماں، تری حسرت، تری یاد
اب مرے پاس کوئی زادِ سفر ہے تو ، یہی ہے​

 

زندگی جبرِ مسلسل کی طرح کاٹی ہے
جانے کس جرم کی پائی ہے سزا یاد نہیں​

 

یاد تم کو مری کوئی بات ہو کہ نہ ہو
ہم مگر تیری کوئی بات نہیں بھولے ہیں​

 

ہمیں تو اب بھی وہ گزرا زمانہ یاد آتا ہے
تمہیں بھی کیا کبھی کوئی دیوانہ یاد آتا ہے​

 

ہم تمہیں یاد بھی آئیں تو کبھی بھولے سے
تم ہمیں بھول بھی جاؤ تو بہت یاد کریں​

 

جس قدر ہم نے مٹائے تِری یادوں کے نقوش
دلِ بے تاب نے اُتنا ہی تجھے یاد کِیا​

 

نعیم بھائی! آپ نے لفطِ یاد پر شعر کہنا تھا۔

یاد کرتے ہیں دل ہی دل میں تجھے
اب تیرے تذکرے نہیں ‌ہوتے​

 

وہ یاد بن مری چشمِ تر میں رہتا ہے
عجیب شخص ہے پانی کے گھر میں رہتا ہے​