لفظِ “عشق“ پر شعر کہیں

کبھی حسن پردہ نشیں بھی ہو ذرا عاشقانہ لباس میں
میں جو بن سنور کے کہیں چلوں مرے ساتھ تم بھی چلا کرو

 

کسی کے عشق میں یہ دن بھی دیکھنے تھے اسد
ہوئے ھیں شہر بدر حوصلے سلامت ھیں

 

دل میں دلبر کی ذات کو رکھنا
ذرے میں کائنات کو رکھنا
عشق کی ہر گھڑی عبادت ہے
سامنے اُن کی ذات کو رکھنا

 

ظلمت شب میں جلائے ھیں اشکوں کے چراغ
عشق کی راہ میں‌خود عشق ھے رہبر اپنا

 

میں ابتداء عشق سے بے مہر ہی رہا
تم اِنتہاء عشق سے معیار ہی رہو

جون ایلیا

 

فکر معاش ، عشق بتا ، یاد رفتگاں
دو دن کی زندگی میں اب کوئی کیا کیا کرے

 

تم میری اک خود مستی ہو میں ہوں تمہاری خود بینی
رشتے میں اس عشق کے ہم تم دونوں بےبنیاد ہوئے

 

پاس وحشت ھے تو یاد رخِ لیلی بھی نہ کر
عشق کی قیدی زنجیرِ تمنا بھی نہ کر

 

عشق محلے میں اب یارو کیا کوئی معشوق نہیں
کتنے قاتل موسم گزرے شور ہوئے فریاد ہوئے

 

عشق سے باز ہم آتے جو گزرتا وہ گراں
لطف تو یہ ھے طبئعت پہ گراں ہی تو نہیں

 

یم بہ یم قطرہ بہ قطرہ کو بہ کو
پھر رہے ہیں عشق والے چارسو

 

عشق کو جرم سمجھتے ھیں زمانے والے
جو یہاں پیار کرے گا وہ سزا پائے گا

 

یہ تو ہوا کہ عشق میں نام بہت کما لیا
خود کو بہت گنوا لیا، دام میں ورم نہیں ملے

 

کہنے کو اس سے عشق کی تفسیر ہے بہت
پڑھ لے صرف آنکھ کی تحریر ہے بہت
بیٹھا رہا وہ پاس تو میں سوچتی رہی
خاموشیوں کی اپنی بھی تاثیر ہے بہت

 

بہت خوب ۔۔۔۔۔۔۔۔۔

دل تا جگر، کہ ساحلِ دریائے خوں ہے اب
اس رہ گزر میں جلوۂ گل، آگے گرد تھا
جاتی ہے کوئی کشمکش اندوہِ عشق کی !
دل بھی اگر گیا، تو وُہی دل کا درد تھا

 

جواب: لفظِ “عشق“ پر شعر کہیں

اچھے اشعار ہیں

 

جواب: لفظِ “عشق“ پر شعر کہیں

تیرے عشق میں پل پل مرتا ہے کوئی
ہر سانس کے ساتھ تجھے یاد کرتا ہے کوئی

فرصت ملے تو تنہائی میں سوچنا
کتنی خاموش محبت تجھ سے کرتا ہے کوئی

 

جواب: لفظِ “عشق“ پر شعر کہیں

حصول رزق کے لمحے قبول عشق کے پل
زیاں ہی کیوں مرا مقسوم ہونا چاھتا ھے

 

جواب: لفظِ “عشق“ پر شعر کہیں

عشق میں یوں بھی رہا ہے کوئی ناکام کہیں
رنج تک وہ ہمیں دیتے نہیں راحت کیسی

 

جواب: لفظِ “عشق“ پر شعر کہیں

اک عشق کا غم آفت اور اس پہ یہ دل آفت
یا غم نہ دیا ہوتا ۔۔ یا دل نہ دیا ہوتا

(چراغ حسن حسرت)

 

جواب: لفظِ “عشق“ پر شعر کہیں

وہ میرے دل کے زخم سینے بھی نہیں دیتا
مدہوش بھی رکھتا ہے اوت پینے بھی نہیں دیتا

کیا میرے عشق کرنے کی اتنی کڑی سزا ہے
مرنے سے روکتا ہے اور جینے بھی نہیں دیتا

 

جواب: لفظِ “عشق“ پر شعر کہیں

عشق میں‌بہتا ہے جو دریا بہ دریا، کون ہے؟
ہم بھی دیکھیں درد کے صحرا میں ایسا کون ہے

خالد علیم ​

 

جواب: لفظِ “عشق“ پر شعر کہیں

بہت عرصہ بعد یہ شعر پڑھا ہے۔ بہت خوب!

 

جواب: لفظِ “عشق“ پر شعر کہیں

کیوں ہجر کے شکوے کرتا ہے کیوں درد کے رونے روتا ہے
عشق کیا ہے تو صبر بھی کر اس میں تو یہی کچھ ہوتا ہے

حفیظ جالندھری