لب پہ ہے بس اسی کی ثنا کا بیاں ۔ بلال رشید

ہے مرا مدعا خالق۔دو جہاں
لب پہ ہے بس اسی کی ثنا کا بیاں
ہر عبادت کا اک وہ سزاوار ہے
بزم۔ہستی کا ہے اک وہی حکمراں
جائیں جس بھی طرف بزم۔کونین میں
اسکی توحید کی گونجتی ہے اذاں
چاہے ہو نیک کوئی یا بدکار ہو
سب پہ یکساں ہے میرا خدا مہرباں
نغمہء حمد پڑھتے رہیں ہر گھڑی
پاک ہوتی ہے اسکی ثنا سے زباں
جس سے ناراض ہو جائے رب العُلی
وہ نہ پائے کہیں پر بھی جائے اماں
عشق اسکا ہی مومن کی معراج ہے
قلب۔ مومن ہے کیا؟میرے رب کا مکاں
چاند تارے اسی کے ثنا گو ہیں سب
حمد خورشید بھی کر رہا ہے بیاں
ورد اسکا سمندر کی موجوں میں ہے
حمد کرتے ہوئے سب ہیں دریا رواں
گو کہ وہ بے نشاں ہے ازل سے بلال
چار سو ہیں مگر سب اسی کے نشاں
----
بلال رشید​

 

اللہ تعالیٰ آپ کو بھی جزائے خیر عطا کرے آمین

 

سبحان اللہ- جزاک اللہ

 

اللہ تعالیٰ آپ کو بھی جزائے خیر عطا کرے آمین