لال مسجد۔ قابلِ اعتراض قدم

قابلِ اعتراض قدم
اس نے اپنے اِرد گرد جو عظیم تنازعہ اٹھایا اور جوہنگامہ برپا کیا، ایسے میں ایسا ہونا تو ناگزیر تھا۔

اسلام آباد ہائی کورٹ کے حکم پر وفاقی دارالحکومت کی پولیس لال مسجد آپریشن کے دوران عبدالرشید غازی اور ان کی والدہ کی ہلاکت پر سابق فوجی سربراہ اور صدرِ پرویز مشرف کے خلاف دائر مقدمے کی تحقیقات کرے گی۔

جناب مشرف کو اپنے دورِ حکمرانی کے دوران کیے گئے اقدامات پر بہت سارے سوالوں کے جوابات دینے ہیں، انہی میں سے ایک لال مسجد آپریشن بھی ہے، جس کا آغاز ہی بُرے طریقے سے کیا گیا تھا لیکن اس حوالے سے ان پر جو مقدمہِ قتل قائم ہوا، وہ حقیقت سے بہت دور ہے۔

اس خاص معاملے میں جناب مشرف کے خلاف مقدمہ قتل قائم کرنے کے واسطے جو پسِ پردہ بُلند آوازیں تھیں، اُن میں سخت گیر مذہبی آوازوں کو بھی صاف سنا جاسکتا تھا جن کے اس مطالبے کے پیچھے مخصوص نظریات موجود ہیں۔ یقیناً اسی وجہ سے لال مسجد آپریشن اب تک انتہائی متنازعہ بنا ہوا ہے:

یہاں زندگی کے ایسے بھی طبقات موجود ہیں کہ جن کے لیے نامناسب نگرانی، اغوا، سرکاری زمین پر غیر قانونی قبضے سمیت مذہب کے نام پر روا دیگر اقسام کے جرائم کوئی مسئلہ ہی نہیں۔ پھر بھی، وہ مہینے جو فوجی آپریشن کی طرف لے گئے، اُن کے دوران لال مسجد کی قیادت کی طرف سے جو غیر قانونی اقدامات، دھمکیاں اور پُرتشدد کارروائیاں ہوئی تھیں، قانون پسند، متحمل اور حقوق کا احترام کرنے والے پاکستان میں اُن کی کوئی گنجائش نہیں ہوسکتی۔

ہماری یاداشت کم ہے یا پھر شاید جان بوجھ کر صرف مخصوص حد تک محدود رکھی جاتی ہے، اگر ذرا سا ذہن پر زور دیں تو ماضی پر دوبارہ نظر ڈالنے میں مدد ملے گی۔

جب سن دو ہزار سات کا برس اپنی بساط لپیٹ رہا تھا، تب ایک نئی قسم کی اخلاقی پولیس اور اس کی نگرانی وفاقی دارالحکومت کو اپنے حصار میں لے رہی تھی۔

دارالحکومت میں برقعہ بردار، ڈنڈا بدست، نعرے لگاتی خواتین کے اُن گروہوں کی تصاویر ذہنوں پر موجود ہیں، جنہوں نے بچوں کی لائبریری پر قبضہ کرکے وہاں غیر قانونی اسلحے کے ڈھیر لگائے، اپنی ہی نوع کا اسلام نافذ کرنے کے لیے نام نہاد شرعی عدالتیں قائم کر کے فیصلے کرنا شروع کردیے تھے۔ بلاشبہ یہ سب کچھ ایسا نظارہ تھا جس کا مشاہدہ اس سے قبل نہ تو اسلام آباد کو ہوا اور نہ ہی ملک نے ایسا ہوتا دیکھا تھا۔

یہ سب کچھ ناقابلِ قبول تھا، ایسے حالات ہوں تو کوئی بھی انتظامیہ انہیں برداشت نہیں کرسکتی۔ ایسے میں کچھ نہ کچھ تو کیا جانا ہی تھا۔

یہ تو بالکل واضح ہے کہ لال مسجد آہریشن کے دوران غلطیاں ہوئی تھیں۔ پہلی بات تو یہ ہے کہ غازی برادران کی سرگرمیوں کو روکنے کا فیصلہ کرنے میں مشرف انتظامیہ نے بہت دیر لگادی تھی۔

مذاکرات کی ناکامی جس طرف لے کر گئی وہ متوقع راہ تھی۔ یہ ناقص اور پیچیدہ مشورہ تھا، جس کے تحت کمپلیکس پر بھرپور شدت کا بڑا لیکن غیر ضروری حملہ کرنے کا فیصلہ ہوا۔

اس طرح کے حالات میں شاید ایک بہتر تربیت یافتہ اور زیادہ محتاط انتظامیہ، کمپلیکس خالی کرانے اوروہاں موجود ضد پر اڑے افراد پر قابو پانے کے واسطے، کم مہلک حکمتِ عملی استعمال کرنے کی ہی کوشش کرتی لیکن ایسا نہ ہوسکا مگر ایسا بھی نہیں کہ جناب مشرف پر ان ہلاکتوں کی ذمہ داری دھر دی جائے۔

اسلام آباد کو لال مسجد بریگیڈ کے خطرے کے سامنے ہتھیار ڈالنے کی اجازت ہرگز نہیں دی جاسکتی۔

• ڈان نیوز پیپر

 

معقول نکتہ نظر ہے۔
انتہا پسندی، دہشت گردی کسی بھی صورت میں ناقابل قبول ہونی چاہیے۔

 

لال مسجد کے شہداء کا جرم اسلام نظام کے نفاذ کی بات کرنا رتھا ۔ ۔ جو کہ ہمارے لادین صدر کے ہاں بہت بڑا جرم تھا اسی جرم کی سزا دی گئی ۔ ۔ اسلحہ ؟ غازی شہید نے تو بار بار کہا کہ آؤ دیکھ لو ہمارے پاس کتنا اسلحہ ہے مجھے معلوم ہے کہ ہمارے بعد یہاں بہت سا اسلحہ رکھ کر میڈیا کو دکھایا جائے گا انہوں نے کہا تھا ہمارے پاس لائسنس والا اسلحہ ہے اس سے زیادہ نہیں ۔ ۔ مگر بعد میں وہاں سے راکٹ اور پتہ نہیں کیا کیا دکھایا گیا ۔ ۔ عاقل انسان اتنا تو سوچ سکتے ہیں کہ ان کے پاس راکٹ تھے گرنیڈ تھے ان نے استعمال کیوں نہ کیے اس سارے آپریشن میں 1 راکٹ بھی لال مسجد کی طرف سے فائر نہ ہوا آخر ان کے پاس تھے تو انہوں نے بچائے کیوں جب کہ ان کو یقن تھا کہ ہمیں شہید کر دیا جائے گا ۔ ۔
مانو نا مانو ہمارا حکمران طبقہ صرف اسلام پسندوں کے خلاف ہے ۔ ۔ کیا وزیرستان پاکستان کاحصہ نہیں وہاں کتنے جنازے روز اٹھتے ہیں کتنے ڈرون گرائے ہم نے ؟ ہمارے حکمرانوں کا آقا امریکہ جو چاہے کرے اسے اجازت ہے ہاں اسلام کے نام پہ بنے ملک میں اسلام کے نفاذ کی بات کرنا جرم ہے 1 عظیم جرم ۔ ۔

 

لال مسجد انتظامیہ اور حکومت کے درمیان مذاکرات کیوں ناکام ہوئے؟ مفتی اعظم پاکستان مفتی محمد رفیع عثمانی جو اس مذاکرات کے عمل میں شریک رہے ان کی زبانی تفصیل پڑھ لیں ۔ ۔ اس لنک پہ کلک کریں
http://www.banuri.edu.pk/node/230
اور رہی بات تصویروں کی تو ان تصاویر میں وہ راکٹ اور گرنیڈ وغیرہ کہاں ہیں جو بعد میں دکھایا گیا غازی شہید نے کہا تھا کہ ہمارے پاس 9 گنیں ہے وہ بھی لائسنس والی جو کہ ہم مجبورا استعمال کر رہے ہیں ہمارا موقف صاف اور واضح ہے مگر امریکی غلام تو اپنے آقا کے حکم پہ تیاری کر چکا تھا ۔ ۔ میں نے عرض کی تھی کہ کیا ریاست کا وقار صرف لال مسجد میں ہی پامال ہو رہا تھا کہ وہان فاسفورس بموں کا استعمال ناگزیر ہو گیا ۔ ۔ کیا ڈرون روز ہماری ریاست کو چیلنج نہیں کر رہے ؟ یہ دوہرا معیار کیوں ؟ اسلام کا نام لینے والوں کو موت کی سزا جنکہ کافروں کو کھلی چھٹی؟
یہ تصویرں بھی دیکھ لیں جناب

 

اسلحہ سے بھری الماریاں

 

احمد فراز کا قلم بھی اس عظیم سانحہ پر رو پڑا تھا


وہ عجیب صبحِ بہار تھی​

کہ سحر سے نوحہ گری رہی
مری بستیاں تھیں دھواں دھواں
مرے گھر میں آگ بھری رہی

مرے راستے تھے لہو لہو
مرا قریہ قریہ فگار تھا
یہ کفِ ہوا پہ زمین تھی
وہ فلک کہ مشتِ غبار تھا

کہیں نغمگی میں وہ بین تھے
کہ سماعتوں نے سُنے نہیں
کہیں گونجتے تھے وہ مرثیے
کہ انیس نے بھی کہے نہیں

یہ جو سنگ ریزوں کے ڈھیر ہیں
یہاں موتیوں کی دکان تھی
یہ جو سائبان دھوئیں کے ہیں
یہاں بادلوں کی اڑان تھی

جہاں روشنی ہے کھنڈر کھنڈر
یہاں قمقموں سے جوان تھے
یہاں چیونٹیاں ہیں خیمہ زن
یہاں جگنوؤں کے مکان تھے

کہیں آبگینہ خیال کا
کہ جو کربِ ضبط سے چُور تھا
کہیں آئینہ کسی یاد کا
کہ جو عکسِ یار سے دُور تھا

مرے بسملوں کی قناعتیں
جو بڑھائیں ظلم کے حوصلے
مرے آہوؤں کا چکیدہ خوں
جو شکاریوں کو سراغ دے

مری عدل گاہوں کی مصلحت
مرے قاتلوں کی وکیل ہے
مرے خانقاہوں کی منزلت
مری بزدلی کی دلیل ہے

مرے اہلِ حرف و سخن سرا
جو گداگروں میں بدل گئے
مرے ہم صفیر تھے حیلہ جُو
کسی اور سمت نکل گئے
کئی فاختاؤں کی چال میں
مجھے کرگسوں کا چلن لگا
کئی چاند بھی تھے سیاہ رو
کئی سورجوں کو گہن لگا
مرے پاسباں ، مرے نقب زن
مرا مُلک مِلکِ یتیم ہے
مرا دیس میرِ سپاہ کا
مرا شہر مالِ غنیم ہے

یہاں روزِ حشر بپا ہوئے
پہ کوئی بھی روزِ جزا نہیں
یہاں زندگی بھی عذاب ہے
یہاں موت میں بھی شفا نہیں​