قطع و برید و پیغام ختم کرنے کی سہولت

السلام علیکم !

ہماری اردو پیاری اردو کا فورم اپنی اخلاقی اور جمہوری روایات کے اعتبار سے نیٹ ورلڈ کے چند اعلی ترین فورمز میں شمار کیا جاتا ہے۔ جس کا کریڈٹ ہماری اردو کے بااخلاق، محبت بھرے، پرخلوص دوستوں کو جاتا ہے جو ہمیشہ اس کا معیار قائم اور بلند رکھنے کی کوشش کرتے ہیں۔

ہماری اردو میں ہمیشہ سے صارفین کو بہت آزادی سے تبادلہء خیال کرنے کی اجازت رہی ہے۔ لیکن ماضی قریب میں چند ایک واقعات ایسے رونما ہوئے ہیں کہ جس میں چند اپنوں اور پرائیوں نے مخصوص وجوہات کی بنا پر ہماری اردو کیطرف سے دی گئی آزادی کی پالیسی کا ناجائز فائدہ اٹھاتے ہوئے ہماری اردو کو نقصان پہنچانے کی کوشش کی۔

انتظامیہ نے باہمی صلاح و مشورہ اور بھرپور غوروفکر کے بعد “قطع و برید اور پیغام ختم کرنے“ کی سہولت کو فی الحال بند کرنے کا فیصلہ کیا ہے۔ پیغام ارسال کرنے سے پہلے ایک نظر دیکھنے کا Preview کا آپشن موجود ہے۔ جس کا مطلب یہ ہے صارفین پیغام لکھ چکنے کے بعد ایک بار اسکا جائزہ لے کر ارسال کرسکتے ہیں۔ بعد میں تبدیل یا ختم کرنا ان کے لیے ممکن نہ ہوگا۔ البتہ کسی انتہائی ضرورت کے تحت انتظامیہ سے رابطہ کرکے ایسا کروایا بھی جاسکے گا۔

یاد رہے کہ ہماری اردو کے علاوہ بھی کئی دیگر فورمز پر یہ پالیسی بہت عرصے سے چلی آرہی ہے ۔

امید ہے ہماری اردو کی پیاری بزم کے دوست مسئلہ کی نزاکت کو سمجھتے ہوئے انتظامیہ کے ساتھ تعاون کریں گے اور اس پیاری بزم کو ہمیشہ اپنی موجودگی سے رنگ برنگ رکھیں گے۔ شکریہ

 

مریم ۔ آپ کا بہت شکریہ ۔

 

السلام علیکم ورحمتہ اللہ وبرکاتہ
امید ہے کہ سب خیریت سے ہونگے

شروع میں تھوڑا مشکل لگے گا یہ کام لیکن فورم کی بہتری کے لیے کیا گیا ہر کام ہمیں اچھا لگنا چاہیے

خوش رہیں

 

میرے ناقص خیال میں تو اس آپشن کو ختم کرنے سے کوئی بہتری نہیں آنے والی اور خاص طور پر جب ہم لمبی لمبی پوسٹنگ کرتے ہیں تو بارہا ویو کرنے کے باوجود کتابت کی غلطیاں رہ جاتی ہیں اور اس آپشن کو ختم کرنے سے وہ غلطیاں ہمیشہ اپنی جگہ قائم ہی رہیں گی لہذا میری درخواست یہ ہے کہ اس آپشن کو بحال کردیا جائے آگے آپ لوگون کی مرضی

 

مجھے تو قطع و برید کی سہولت ختم ہونے سے کوئی خاص پرابلم نہیں‌ہوتی ۔
البتہ اگر پیغامات خود بخود محفوظ ہو سکیں۔ یعنی درافٹ کی شکل میں تو بہت اچھا ہوجائے۔
شکریہ

 

میرے خیال میں چند گھنٹوں کے لئے یہ سہولت ہونی چاہئیے۔ مثال کے طور پر دو گھنٹوں کے لئے۔
اگر اِس عرصہ میں کسی کا جواب آگیا تب۔ ۔ ۔ قطع و برید کی سہولت خود بخود ختم ہو جائے۔
جیسا کہ آبی بھائی نے کہا کہ نظرِثانی کے باوجود کتابت کی غلطیاں رہ جاتی ہیں۔
مزید براں ۔ ۔ ۔ کوئی صارف کسی پوسٹنگ کے جواب میں فوری ردِ عمل کی کیفیت میں اپنے الفاظ کو ناپ تول نہیں پاتا۔
کبھی کبھار اظہارِ خیال میں درشتی در آتی ہے۔ پھِرکچھ وقت گزرنے کے بعد اُسے یہ احساس ہوتا ہے کہ اِس بات کو کسی اور انداز میں بھی کہا جا سکتا تھا۔
قطع و برید کی سہولت ( چند گھنٹوں کے لئے ہی سہی ) بحال کر کے آپ لکھنے والوں کو بہتر لکھنے کی مشق کا بھی موقع فراہم کر سکتے ہیں۔

تحریر میں نکھار قطع و برید کے بعد ہی آتا ہے ۔

 

اچھا جی ی ی ی ہمیں تو پتا ہی نہیں تھا اچھا کیا جو آپ نے بتا دیا شکریہ

 

ہم نے سوچا کہ ایک بار ' گزارش ' کر کے دیکھ لیتے ہیں۔
لیکن ۔۔۔انتظامیہ کو ہماری' آزمائش' مطلوب ہے تو ہم اُن کے اِس اقدام کی' سِتائش' کرتے ہیں۔

اب سے ہم جواب ارسال کرنے سے پہلے ' آزمائش ' کر کے دیکھ لیا کریں گے۔
لیکن ہماری ' فرمائش ' برقرار رہے گی۔

 

دیکھا آپ نے؟؟؟

اگر قطع برید کی سہولت ہوتی۔۔۔۔ تو۔

میں یہ الفاظ بھی استعمال کر لیتا۔۔۔


آرائش
پیمائش
زیبائش
کشائش

 

نادر بھائی‌آپ نے الفاظ کی خوبصورتی سے نمائش کی

 

شکریہ آبی بھائی

اتفاق سے لفظوں کی ' پیدائش ' ہو گئی۔