قصۂ شقِّ قمر یاد آیا ۔۔۔ ایاز صدیقی

قصۂ شقِّ قمر یاد آیا
حسنِ اعجازِ بشر یاد آیا

آہِ سوزاں کا اثر یاد آیا
اُن کا فیضانِ نظر یاد آیا

اُن کے دیوانے کو اُن کے در پر
دشت یاد آیا نہ گھر یاد آیا

دیکھ کر شامِ مدینہ کا کمال
مطلعِ نورِ سحر یاد آیا

کب نہ تھی مجھ پہ عنایت کی نظر
یاد کب عالمِ فریاد آیا

پھر مدینے کو چلے اہلِ نیاز
پھر کوئی خاک بسر یاد آیا

منزلِ قدس پہ پہنچے تو ایاز
سجدۂ راہ گزر یاد آیا
٭٭٭
ثنائے محمدﷺ ... ایاز صدیقی​

 

سبحان اللہ ۔ جزاک اللہ

 

اللہ تعالیٰ آپ کو بھی جزائے خیر عطا کرے آمین

 

اللہ تعالیٰ آپ کو بھی جزائے خیر عطا کرے آمین