فروغِ دین کا روشن یقیں فاروق اعظمؓ ہیں ۔۔ ساغر شہزاد ہاشمی

فروغِ دین کا روشن یقیں فاروق اعظمؓ ہیں
محمدﷺ کا مثالی جانشین فاروق اعظمؓ ہیں

محبت اس قدر ہے آپ کو قرب، رسالت سے
جہاں ہیں مصطفیٰﷺ اب بھی وہیں فاروق اعظمؓ ہیں

دہر میں بس یہی تو ہیں مرادِ سرورِ عالمﷺ
نبوت کی صداقت کے امیں فاروق اعظمؓ ہیں

انہیں ہر دور میں تاریخِ عالم یاد رکھے گی
دیارِ عدل میں مسند نشیں فاروق اعظمؓ ہیں

یہی تو ہیں جوپہلے فاتحِ بیت المقدس ہیں
جہاں میں فخرِ دنیا اور دیں فاروق اعظمؓ ہیں

نظامِ سلطنت ایسا دیااقوامِ عالم کو
کہ دنیا کہہ رہی ہے بہترین فاروق اعظمؓ ہیں

ابھی تک نیل کی موجوں کو نامہ یاد ہے ان کا
مثالی اک امیر المومنیں فاروق اعظمؓ ہیں

ہمیشہ جو خیالِ حُرمتِ اصحاب رکھتے ہیں
انہی کے قلب میں ساغرؔ مکیں فاروق اعظمؓ ہیں
------
ساغر شہزاد ہاشمی​