فرمودات جنابِ حضرت سلیمان علیہ السلام

٭ میٹھے بول غصے کو رفع کرتے ہں ۔
٭ خدا کے خوف سے عمر میں اضافہ ہوتا ہے ، شر پسندوں کی عمر کم ہو جاتی ہے ۔
٭ ایک خوش مزاج آدمی یژمردہ دلوں کی دوا ہے ۔
٭ جاہل اپنے دل میں جو کچھ ہے ، ظاہر کرتا ہے ، مگر دانشمند سے آخر موقع تک چھپائے رکھتا ہے ۔
٭ جب انسان کی روش خدا کی مرضی کے مطابق ہو تی ہے تو وہ دشمنوں کو بھی دوست بنا لیتا ہے ۔
٭ عالم کم گو ، سرد مزاج اور خرد مند ہے ۔ احمق بھی جب تک چپ رہے عقلمند شمار ہوتا ہے ۔
٭ خدا وند تعالیٰ کی تنبیہ کو حقیر مت جان اور اس کی تادیب سے بیزار مت ہو ،کیونکہ خدا تعالیٰ جس کو پیار کرتا ہے اسے تنبیہ کر دیتا ہے ۔
٭ اپنی نگاہ میں آپ کو دانشمند مت جان ، خدا تعالیٰ سے ڈر اور بدی سے باز رہ ۔
٭ اپنے ہمسایہ پر بدی کا منصوبہ مت باندھ جس حال میں کہ وہ بے فکر ہو کر تیرے پاس رہتا ہے ۔
٭ کسی انسان سے بے سبب جھگڑا مت کر کہ اس نے تجھ سے بدی نہیں کی ۔
٭ شریر کی بد کاریاں اس کو پکڑ لیں گی اور وہ اپنے ہی گناہ کی رسیوں سے جکڑا جائے گا ۔
٭ اے کاہل آدمی ! چیونٹی کے پاس جا ، اس کی روش دیکھ اور دانش حاصل کر کہ با وجود یہ کہ اس کا کوئی سردار یا حاکم نہیں ۔ و ہ گرمی کے موسم میں اپنے لیے خوراک جمع کرتی ہے اور سردی میں اس سے فائدہ اٹھاتی ہے ۔
٭ کلام کی کثرت میں کچھ نہ کچھ گناہ ہو گا ۔ مگر وہ جو اپنے لبوں کو روکے رہتا ہے ، بڑا دانا ہے ۔
٭ ہوشیار آدمی کا ہاتھ حکمران ہو گا اور سست آدمی خراج گزار ہو گا ۔
٭ خدا وند تعالیٰ ان چھ چیزوں کو نا پسند کر تا ہے (۱) O اونچی آنکھیں (۲) O جھوٹی زبان (۳) O وہ ہاتھ جو بے گناہ کو آزار پہنچائے (۴) O وہ دل جو برے منصوبے باندھتا ہے (۵) O وہ پاؤں جو جلد برائی کی طرف دوڑتے ہیں (۶) O وہ گواہ جو جھوٹ بولتا ہے، اور وہ جو بھائیوں کے درمیان جھگڑے بر پا کرتا ہے ۔
٭ خداوند تعالیٰ کی راہ سید ھے لوگوں کیلئے توانائی اور بد کرداروں کیلئے ہلاکت ہے ۔
٭ کوئی انسان شرارت سے پائیدار نہیں رہ سکتا لیکن صادقوں کی بنیاد کو کبھی جنبش نہ ہو گی ۔
٭ خدا وند تعالیٰ کا خوف عمر کو دراز کرتا ہے، لیکن شریروں کی زندگی گھٹائی جاتی ہے ۔
٭ وہ دولت جو بطالت سے حاصل کی جاتی ہے اور محنت سے فراہم کر دہ بڑھے گی ۔
٭ ملائم جواب غصہ کو کھو دیتا ہے ۔ مگر کرخت باتیں غضب انگیز ہیں ۔
٭ شکستہ خاطر کے سب دن برے ہیں ، مگر وہ جو خوش دل ہے ہمیشہ شکر گزار رہتا ہے ۔
٭ تھوڑا جو خداوند کے خوف کے ساتھ ہو ، اس بڑے گنج سے جو رنج کے ساتھ ہو بہتر ہے ۔
٭ جب انسان کی روش خداوند کی مرضی کے مطابق ہو تی ہے تو وہ دشمنوں کو بھی دوست بنا لیتا ہے ۔
٭ جو مسکین پر ہنستا ہے گویا اس کے بنانے والے کی حقارت کرتا ہے اور جو اوروں کی مصیبت پر خوش ہوتا ہے بے گناہ نہ ٹھہرے گا۔

۔

 

بہت شکریہ اس شئیرنگ کا بوبی جی


جزاک اللہ

 

بھائی عدنان بوبی صاحب ۔ خوبصورت مراسلات کا بہت شکریہ ۔ اللہ کریم آپکو جزائے خیر دے۔ آمین

 

آمین ثم آمین

 

بہت پیاری باتیں ہیں۔
عدنان بھائی ۔ جزاک اللہ