پیارے دوستو! السلام علیکم۔ کیسے مزاج ہیں آپ سب کے۔ میں آج پہلی مرتبہ آپ کی خدمت میں اپنی ایک غزل لے کر حاضر ہو رہا ہوں۔ آپ کو یہ غزل کیسی لگی؟ مجھے آپ کی رائے کا شدت سے انتظار رہے گا۔ غزلخوش بخت ہوں شاید میں سکندر سے زیادہ غم بھی تو ملا مجھ کو مقدر سے زیادہ وحشت کبھی تم نے نہیں کی، تم کو خبر کیا ملتا ہے سکوں دشت میں کیوں گھر سے زیادہ عزت سے جیا ہوں ، سو میں عزت سے مروں گا دستار یہ پیاری ہے مجھے سر سے زیادہ دُنیا! تجھے چاہوں تو میں اشکوں میں بہادوں پانی ہے اَن آنکھوں میں سمندر سے زیادہ جس دل میں محبت کی رمق بھی نہ ہو موجود رکھتا نہیں وقعت کسی پتھر سے زیادہ مجھ کو میرے مولا میری اوقات میں رکھنا پھیلاؤں نہ پاؤں کبھی چادر سے زیادہ باہر سے جو دیکھو تو میں بالکل ہوں سلامت ٹوٹا ہوا اشرف ہوں میں اندر سے زیادہ
وعلیکم السلام! اشرف نقوی بھائی! آوراردو پر خوش آمدید۔۔۔ وحشت کبھی تم نے نہیں کی، تم کو خبر کیا مِلتا ہے سکوں دشت میں کیوں گھر سے زیادہ عزت سے جِیا ہوں ، سو میں عزت سے مروں گا دستار یہ پیاری ہے مجھے سر سے زیادہ جِس دل میں محبت کی رمق بھی نہ ہو موجود رکھتا نہیں وُقعت کسی پتھر سے زیادہ مجھ کو میرے مولا میری اوقات میں رکھنا پھیلاؤں نہ پاؤں کبھی چادر سے زیادہ اشرف بھائی! بہت خوب، بہت ہی اچھی غزل ہے، خدا آپ کی صلاحتوں میں مزید اضافہ فرمائے۔ (آمین) اُمید کرتا ہوں آپ اپنی شاعری کو آوراردو کی زینت بنائیںگے، مزید آپ کی شاعری کا انتظار رہے گا۔
بہت خوب اشرف بھائی۔ بہت خوبصورت غزل ہے۔ کیا کہوں کہ کون سا شعر زیادہ اچھا ہے ۔گویا موتی پرو کر ہماری اردو کی نظر کیے ہیں۔ امید ہے آئیندہ بھی کچھ نہ کچھ ارسال کرتے رہیں گے۔
واہ نقوی صاحب ویسے تو پوری غزل بہت اچھی لگی لیکن یہ شعر کچھ زیادہ ہی بھا گیا ہے عزت سے جیا ہوں ، سو میں عزت سے مروں گا دستار یہ پیاری ہے مجھے سر سے زیادہ بہت خوب اور مزید اپنا کلام بھی یہاں شائع کرتے رہیے ہم اس کے منتظر رہیںگے۔
جبار بھائی!oururdu.com پر خوش آمدید کہنے پر آپ کا انتہائی ممنون و شکر گزار ہوں۔ غزل آپ کو پسند آئی ، یہ آپ کا حُسن نظر ہے۔ انشاءاللہ آئندہ بھی آپ کو میری شاعری برداشت کرنا پڑے گی۔ غزل کی پسندیدگی پر آپ کا بہت بہت شکریہ۔ ہمیشہ خوش رہیئے، مسکراتے رہیئے۔
واصف بھائی! oururdu.com پرخوش آمدید کہنے پر آپ کا بہت بہت شکریہ ۔ غزل کی اس خوبصورت انداز میں تعریف کرنے پر آپ کا بہت بہت شکریہ۔ اللہ کرے آپ ہمیشہ ہنستے مسکراتے رہیں(آمین)۔
خوش آمدید و زہے نصیب ایک ذی ہوش انسان کی سب سے بہترین دعا جو ہو سکتی ہے، وہ یہی ہے۔ اللہ رب العزت آپ کی فہم و فراست میں مزید برکت دے اور آپ یونہی ہمیں اپنے معیاری کلام سے نوازتے رہیں۔ بہت شکریہ
السلام ُ علیکم محترم اشرف نقوی صاحب آج آپ کی غزل پڑھی عزت سے جیا ہوں، سو میں عزت سے مروں گا دستار یہ پیاری ہے مجھے سر سے زیادہ اس خوب صورت شعر پر جتنی بھی داد دی جائے کم ھے، مجموعی طور پر آپ کی غزل بہت اچھی ہے، میری جانب سے دلی داد قبول فرمائیے، یھ بھی عمدہ شعر ہے مجھ کو مرے مولا مری اوقات میں رکھنا پھیلاؤں نہ پاؤں کبھی چادر سے زیادہ (اس شعر میں ۔۔۔۔ آپ نے جلدی میں مرے کی بجائے میرے۔۔۔۔ اور ۔۔۔۔ مری کی بجائے میری ۔۔۔ ----- ----- ٹائپ کیا ہے،،،، ) والسلام مخلص امین عاصم
