عمر بھر خاک بہ کف خاک بہ سر پھرتا ہے ۔۔ فائق تُرابی

عمر بھر خاک بہ کف خاک بہ سر پھرتا ہے
مضطرب دشمنِ مولائے عمرؓ پھرتا ہے⁦

آپ کا نام تعوذ کی جگہ کافی ہے
آپ کے نام سے شیطان کا سر پھرتا ہے⁦

کل بھی راتوں کو مدینے میں عمرؓ پھرتا تھا
آج بھی دل کے مدینے میں عمرؓ پھرتا ہے

آپ کی یاد مرے دل کو رلاتی ہے بہت
جب بھی گلیوں میں کوئی دست نِگر پھرتا ہے

زلزلے آپ کے اعجاز سے تھم جاتے ہیں
یوں مقدر کسی دھرتی کا کدھر پھرتا ہے؟
-------
فائق تُرابی
​