علامہ اقبال کی ایک نظم

دلِ مردہ دل نہیں ہے اسے زندہ کر دوبارہ
کہ یہی ہے امتوں کے مرَضِ کہن کا چارہ
تیرا بحر پر سکوں ہے یہ سکوں ہے یا فسوں ہے
نہ نہنگ ہے نہ طوفاں نہ خرابیٔ کنارہ
تو ضمیر آسماں سے ابھی آ شنا نہیں ہے
نہیں بے قرار کرتا تجھے غمزۂ ستارہ
تیرے نیستاں میں ڈالا میرے نغمۂ سحر نے
مری خاکِ بے سپر میں جو نہاں تھا اک شرارہ
نظر آئے گا اسی کو یہ جہاںِ دوش و فردا
جسے آ گئی میسر مری شوخیِ نظارہ

 

عمدہ جناب!

 

تیرا بحر پر سکوں ہے یہ سکوں ہے یا فسوں ہے
نہ نہنگ ہے نہ طوفاں نہ خرابیٔ کنارہ

واہ ۔ علامہ اقبال رحمۃ اللہ علیہ کی بلندیء‌پرواز کے کیا کہنے۔
بہت اچھا انتخاب ہے راشد شہزاد بھائی ۔