علامہ اقبال رح کو منظوم خراج تحسین

پیرس سے عاکف غنی نے علامہ اقبال رح کو منظوم خراجِ تحسین پیش کیا ہے
یومِ اقبال کی مناسبت سے نذرِ قارئین ہے۔

وہ شاعر بھی ہے وہ مفکر بھی ہے
اور دانا و بینا مدبر بھی ہے

اسکے خوِابوں کی دنیا ہے سب سے الگ
وہ میرے وطن کا مبشر بھی ہے

ہے رغبت اسے خاص قران سے
وہ قاری بھی اس کا مفسر بھی ہے

نظر اس کی ہے ساری تاریخ پر
ہر اک دور کا وہ مبصر بھی ہے

ضرورت ہے اقبال کی آج بھی
وہ عاکف خودی کا پیمبر بھی ہے


عاکف غنی (پیرس)​

 

واقعی حضرت علامہ اقبال ایک حکیم الامت،مفکراسلام ،دانشمند،دردمند،مخلص ، دیانتدار اور کئی خوبیوں کے مالک تھے
شکریہ نعیم صاحب

 

السلام علیکم مجیب منصور بھائی ۔
حوصلہ افزائی اور پسندیدگی کے لیے شکریہ

 

بہت خوب۔۔۔۔اچھا ہے۔۔۔

کلاس 5 یا 6 میں کچھ اشعار یاد کیئے تھے۔۔۔خوبصورت بصارتوں کی نظر۔۔۔

ملتِ اسلام میں اقبال جس کا نام تھا
مرد مومن تھا سراسر واقف انجام تھا

اس کے ارشادات کیا تھے غیب کی آواز تھی
شاعری کی شاعری الہام کا الہام تھا

قدرت نے ایک بےچین روح کو فلسفیانہ دماغ ، شاعرانہ تخیل، سیاسی بصیرت۔۔۔۔ ولیوں والا مزاج دے کر جس پیکرِ خاکی میں سمویا اسے ہم اقبال رحمتہ اللہ علیہ کے نام سے جانتے ہیں۔۔۔۔۔

پورا ایک مضمون یاد تھا اقبال رحمتہ اللہ علیہ پر۔۔۔۔۔۔۔۔۔۔۔۔۔کچھ کچھ یاد ہے کچھ کچھ بڑھاپے کی وجہ سے غائب ہوتا جارہا ہے۔۔۔

 

بہت خوب کاشفی بھائی ۔
آخری جملہ " بڑھاپے کی وجہ " بھی خوب ہے :hasna: