عقیدتوں کا تجھے ہو سلام عبد اللہ ۔ بلال رشید

عقیدتوں کا تجھے ہو سلام عبد اللہ
ترے شرف پہ ہے کس کو کلام عبد اللہ
بتول ساس تری ہیں علی سسر تیرے
عیاں ہے سب پہ ترا یہ مقام عبد اللہ
جناب زینب کبری کی پاک نسبت سے
حسین کرتے ترا احترام عبد اللہ
علی کا تو ہے بھتیجا پسر ہے جعفر کا
ہمارے تجھ پہ ہوں لاکھوں سلام عبد اللہ
بتا رہے ہیں مورخ بڑی عقیدت سے
عطا و لطف کا تجھ کو امام عبد اللہ
حسن حسین مقدر سنوار دیتے ہیں
ادب سے تیرا جو لیتا ہوں نام عبد اللہ
بلال کو ہے بڑا ناز تیری نسبت پر
ہے جان و دل سے یہ تیرا غلام عبد اللہ
-------
بلال رشید​

 

اللہ تعالیٰ آپ کو بھی جزائے خیر عطا کرے آمین

 

جزاک اللہ خیرا کثیرا

 

اللہ تعالیٰ آپ کو بھی جزائے خیر عطا کرے آمین

 

سبحان اللہ - جزاک اللہ

 

اللہ تعالیٰ آپ کو بھی جزائے خیر عطا کرے آمین