عشق والے جانتے ہیں عزو شان اہل بیت ۔ بلال رشید

اللہ اللہ کیا بیاں ہو ہم سے شان اہل بیت
ہے کلام خالق کن ہم زبان اہل بیت
ہیں سبھی ازواج احمد اس گھرانے کا وقار
اور چاروں بیٹیاں ہیں گلستان اہل بیت
جس جگہ خاموش رہتا خاندان مصطفی
اس جگہ ہوتیں حدیثیں ترجمان اہل بیت
کاش میں بھی ساتھ اس کے چل پڑوں بن کر غلام
جانب جنت چلے جب کاروان اہل بیت
اکبر و عون و محمد اور قاسم پر سلام
ضوفشاں ہے جس کے دم سے آسمان اہل بیت
کیوں نہ پھر ہو منفرد اس باغ کا ہر ایک پھول
جب ہیں خود محبوب داور باغبان اہل بیت
عقل والے کب سمجھ سکتے ہیں اس کا امتیاز
عشق والے جانتے ہیں عزو شان اہل بیت
زہر دے کر خون پی کر اور کبھی کر کے اسیر ہائے
کتنا لی یہ دنیا امتحان اہل بیت
فضل حق سے میرے گھر آتے ہیں ہردن یہ نفوس
اور میں بنتا ہوں ہر دن میزبان اہل بیت
اس کے واصف تھے دل و جاں سے ابوبکر و عمر
ان کو میں کیسے کہوں پھر دشمنان اہل بیت
ہے عقیدہ ساری امت کا بلال حق نوا
سب گھرانوں سے فزوں ہے خاندان اہل بیت
بلال رشید​

 

اللہ تعالیٰ آپ کو بھی جزائے خیر عطا کرے آمین

 

سبحان اللہ - جزاک اللہ

 

اللہ تعالیٰ آپ کو بھی جزائے خیر عطا کرے آمین