عرشِ اعلیٰ پہ ہے حضرت کا قدم آج کی رات ۔۔۔ بے ہوش محبوب نگری

عرشِ اعلیٰ پہ ہے حضرت کا قدم آج کی رات
کھل گیا طائرِ سدرہ کا بھرم آج کی رات

امتی جتنا کرم لوٹیں ہے کم آج کی رات
سامنے حق کے ہیں سلطان اُمم آج کی رات

عبد و رب میں نہ رہا پردۂ حائل کوئی
مٹ گیا فرقِ حدوث اور قدم آج کی رات

قاب قوسین کی روداد کا اجمال ہے یہ
ہو گئے عاشق و معشوق بہم آج کی رات

کھل گیا راز الیٰ عبدہٖ ما اوحیٰ سے
ذاتِ حق خود ہوئی مائل بہ کرم آج کی رات

دیکھ کر نازشِ آدم کی یہ شان پرواز
گھٹ گیا سینے میں ابلیس کا دم آج کی رات

آپﷺ کے صدقے میں اُمت نے بھی پایا ہے عروج
خیرِ اُمت کا لقب پا گئے ہم آج کی رات

سن کے اعلان کہ مومن کی ہے معراج نماز
رقص کرنے لگے خود لوح و قلم آج کی رات

نسبت نقشِ قدم ہی کو سمجھ لے بیہوشؔ
تجھ کو نعلین محمدﷺ کی قسم آج کی رات
٭٭
بے ہوش محبوب نگری ۔۔۔ (ہوشِ نعتﷺ )​

 

اللہ تعالیٰ آپ کو بھی جزائے خیر عطا کرے آمین

 

آپﷺ کے صدقے میں اُمت نے بھی پایا ہے عروج
خیرِ اُمت کا لقب پا گئے ہم آج کی رات​

 

سبحان اللہ ۔ جزاک اللہ

 

اللہ تعالیٰ آپ کو بھی جزائے خیر عطا کرے آمین

​

 

ماشاءاللہ
عمدہ کلام
جزاک اللہ خیراً کثیرا​

 

اللہ تعالٰی آپ کو بھی جزائے خیر عطا کرے آمین

​