عبدالجبار کے ذاتی کلام کی اشاعت

اعتبار

“جاؤ ہم اعتبار کرتے ہیں۔“

 

دیکھیئے! کچھ آپ بھی فرمائیے۔۔۔۔۔

دیکھیئے! کچھ آپ بھی فرمائیے
اِس طرح تو ہم کو نہ تڑپائیے

بولیئے! بے شک غلط ہی بولئیے
ہاتھ منہ پہ رکھ کہ نہ شرمائیے

حُسن کو سوچیں تو ہے کچھ بھی نہیں
دیکھیئے تو دیکھتے رہ جائیے

آپ آئیں گے بہاریں آئیں گی
آئیے، آپ آئیے، آپ آئیے

میرے دل میں ہیں بہت سی حسرتیں
بس ذرا اذنِ سخن فرمائیے

تم غلط، نہ میں غلط، نہ وہ غلط
جھگڑا اپنا بس یہیں نمٹائیے

دل میں ہیں طوفاں زباں پر خامشی
آپ نہ میری زباں کھلوائیے

دُور جائیں گے تو مر جائیں گے ہم
اِس طرح تو چھوڑ کر نہ جائیے

دل یہ کہتا ہے صنم! جبّار کا
آئیے تو پھر کبھی نہ جائیے

(عبدالجبار)​

 

مرے لب سے مری اپنی کہانی۔۔۔۔

میرے لب سے مری اپنی کہانی کیوں نہیں جاتی؟
جدائی کے دنوں میں رُت سہانی کیوں نہیں جاتی؟

بہت غم ہے مجھے تڑپا کہ تو نے مجھ کو چھوڑا ہے
تجھے پانے کی یہ حسرت پرانی کیوں نہیں جاتی؟

مجھے کہتے ہو ،ہوں تیرا، تو پھر یہ کیسی دوری ہے
ترے دل سے یہ میری آنی جانی کیوں نہیں جاتی؟

کبھی سولہ، کبھی سترہ، کبھی سترہ سے پھر سولہ
زمانہ بیت جاتا ہے، جوانی کیوں نہیں جاتی؟

جو تو داغ ہے دل پر لگایا، کیوں نہیں جاتا
جو دی تھی تو نے مجھ کو وہ نشانی کیوں نہیں جاتی؟

سنا ہے ہم نے کہ برسات کا مخصوص موسم ہے
مری آنکھوں سے آنسو کی راوانی کیوں نہیں جاتی؟

ہے تو مانوس کیوں جبّار اتنا اُن کے کوچے سے
تری اُن کی گلی میں‌آنی جانی کیوں نہیں جاتی؟

(عبدالجبار)​

 

کبھی تو اِس طرح بھی ہو۔۔۔۔

کبھی تو اِس طرح بھی ہو
کہ میں تیرے خیالوں میں
کہیں کھویا ہوا بیٹھا
تمہی کو یاد کرتا ہوں
نجانے پھر کہاں سے تم
دبے پاؤں چلی آؤ
اور اپنے مرمریں ہاتھوں
کو میری آنکھوں پر رکھ کر
ذرا دھیرے سے یہ پوچھو
“بتاؤ تو کون ہوں میں؟“
تمہاری اِس شرارت پر
مری دھڑکن ٹھہر جائے
مری سانسیں ہی رک جائیں
میں چاہوں بھی تو کچھ کہنے کی ہمت نہ رہے مجھ میں
مگر ایسا نہیں ہوتا
کبھی تو اِس طرح بھی ہو۔۔۔۔۔۔

(عبدالجبار)

 

اِک نہ اِک دن سامنے وہ آیئں گے۔۔

اِک نہ اِک دن سامنے وہ آیئں گے
ہم سے آخر کب تلک شرمائیں گے

دل کے بہلانے کو ہے اتنا بہت
آئیں گے، وہ آئیں گے، وہ آئیں گے

آئیں گے وہ رخ پہ زلفیں ڈال کر
ہو کہ بے پردہ کبھی نہ آئیں گے

پھر کوئی اپنی ادا سے دلربا
غزل کہنے کا سماں فرمائیں گے

جب بھی اُن کو چاہا ہم نے بھولنا
پھر وہ ہم کو پھر سے یاد آ جائیں گے

جب بھی مجھ سے کرتے ہیں وہ کوئی بات
دل میں میرے وہ اُترتے جائیں گے

جب بھی اُن سے یہ کہا “اچھے ہو تم“
رُخ پہ زلفیں ڈال کر شرمائیں گے

پھر تو دن‘ پِھر‘ جائیں گے جبّار کے
جب وہ ہم سے یہ کہیں‌گے ‘ آئیں گے‘

(عبدالجبار)​

 

ہم نئی بستیاں بسانے لگے۔۔

ہم نئی بستیاں بسانے لگے
پہلے زخموں کو بھول جانے لگے

ڈر ہے اپنی زباں نہ کُھل جائے
لوگ باتیں بہت سنانے لگے

سنگ رہنے کی کھائی جس نے قسم
وہ ہمیں چھوڑ کر ہیں جانے لگے

بستیاں وہ اُجڑ گئیں پل میں
جن کو بسنے میں تھے زمانے لگے

وہ جو آئیں دل بہلتا ہے
وہ جو جائیں تو دل ُرلانے لگے

چاند سے کہہ دو ڈوب جائے کہیں
رُخ سے پردہ ہیں وہ اٹھانے لگے

جو یہ کہتے نہ جُدا ہوں گے
قبر میں رکھ کہ چھوڑ جانے لگے

کون جبّار کا سہارا ہے ؟ ؟
بس یہی خوف جو ستانے لگے

(عبدالجبار)​

 

سید نصیرالدین نصیر میرے پسندیدہ شاعر ہیں۔
میں‌کبھی ان سے ملا نہیں، کبھی دیکھا نہیں، مگر پھر بھی لگتا ہے کے ناچیز نے جو لفظوں کو جوڑنے کی کوشش کی ہے یہ انہیں کی عطا کردہ ہے۔

 

ایک شعر

کل چودھویں کی شب ہے صنم تم بھی تو آنا
کرتا ہے بہت ناز چاند اپنے حسن پر ۔ ۔ ۔

(عبدالجبار)​

 

ایک شعر

کسی کی ہار نے ہم کو رُلا دیا یارو ! ! ! ! ! ! !
بہت تھا شوق ہمیں جیت پہ خوش ہونے کا

(عبدالجبار)​

 

Re: اعتبار

بڑے وثوق سے دنیا فریب دیتی ہے
بڑے خلوص سے ہم اعتبار کرتے ہیں
:lol: :lol: :lol: :lol: :lol: :lol:​

 

Re: اعتبار

واہ! کیا بات ہے واصف بھائی!

 

شکریہ جی!

 

2006-10-03

جو ذرّے خاک میں ہوں، خاک میں‌ہی رہتے ہیں
کبھی ستاروں میں جا کر چمک نہیں سکتے

جو اُن کے دَر سے ہی بس لَو لگائے بیٹھے ہیں
وہ مَر تو سکتے ہیں لیکن بھٹک نہیں سکتے

بہار آئے تو گلشن سے خوشبو آتی ہے
خزاں میں پھول یقیناً مہک نہیں سکتے

اَنا عزیز ہے اتنی ہمیں‌ ، کہ ہم دونوں
ہاں ٹوٹ سکتے ہیں لیکن لچک نہیں سکتے

سُنا ہے نام سے ملتی ہیں فطرتیں ‘جبّار‘
سو اپنی آنکھ سے آنسو چَھلک نہیں سکتے

(عبدالجبار)​

 

پسندیدگی کے اظہار پر آپ سب کا بہت شکریہ

 

شکریہ! نعیم بھائی!

 

دو شعر

اور بھی چہرے زمانے میں ہزاروں ہوں گے
اُس کے چہرے پہ نظر ہو یہ ضروری تو نہیں

ہمیں اپنانے کو ، دنیا ہے ترسی یارو !
اُس کے رشتے پہ فخر ہو یہ ضروری تو نہیں

(عبدالجبار)​

 

جواب تو کب کا دے چکا۔