عامر چیمہ زندہ باد

دہر اسیر کون و فساد
آج آباد تو کل برباد
کوئی شاد، کوئی ناشاد
عشق ہے ہر غم سے آزاد
<center>عشق سے مومن ہے فولاد
عامر چیمہ زندہ باد</center>
عشق ہے حرص و ہوا سے بلند
عشق ہے مکر وریا سے بلند
عشق ہے ارض و سما سے بلند
عشق ہے عرش علی سے بلند
<center>عشق ہے رفعت کا صیاد
عامر چیمہ زندہ باد</center>
عشق ہے عظمت کا معیار
عشق ہے ہستی کا معیار
عشق سے ایماں شعلہ بار
علم سوا اس کے بیکار
<center>عشق زمانے کا استاد
عامر چیمہ زندہ باد</center>
عشق ہے دانائے اسرار
عشق ہے پیغام دلدار
عشق ہے باب حریم بار
عشق سے ہوتا ہے دیدار
<center>عقل مرید و عشق مراد
عامر چیمہ زندہ باد</center>
عشق فروغ کون و مکاں
عشق بہار باغ جناں
کن فیکوں کا سر نہاں
عشق نہیں محتاج بیاں
<center>عشق سے جان ودل آباد
عامر چیمہ زندہ باد</center>
مرگئے دنیا کے سلطان
شور مچا کے آن دو آن
اب کہان ان کا نام و نشان
عشق امر ہے ، عشق جوان
<center>عشق سے خاکی ،نوری نہاد
عامر چیمہ زندہ باد</center>
عشق جمال یار کی دھن
نخل سرور کی بیخ و بن
گاتے ہیں سب عشق کے گن
عشق کا ثمرہ لا خوف
<center>یاس وحزن سے عشق آزاد
عامر چیمہ زندہ باد</center>
عامر ملت کا شہباز
امت کی عزت کا راز
دین نبی کو اس پہ ناز
کیا ہی ملا اس کو اعزاز
<center>قوم سدا رکھے گی یاد
عامر چیمہ زندہ باد</center>
فرض عشق نبھایا خوب
درس عشق سکھایا خوب
گرتے ہوں کو اٹھایا خوب
سوئے ہوں کو جگایا خوب
<center>کون دے اس ہمت کی داد
عامر چیمہ زندہ باد</center>
آسی مدح سرا ہے تو کیا
عامر سے خوش اہل ولا
بلکہ خود محبوب خدا
بلکہ خالق ہر دوسرا
<center>دے گی قبر ییام جہاد
عامر چیمہ زندہ باد</center>
نتیجہ فکر پروفیسر محمد حسین آسی سرپرست مجلہ الحقیقہ پاکستان

 

عشق سے مومن ہے فولاد
عامر چیمہ زندہ باد​

 

جواب: عامر چیمہ زندہ باد

ماشا اللہ، سبحان اللہ