طالبعلم کا گولڈ میڈل لینے سے انکار

لاہور۔ پنجاب یونیورسٹی کے کانووکیشن میں طلب علم نے حکومتی پالیسیوں کے خلاف احتجاج کرتے ہوئے گورنر پنجاب سلمان تاثیر سے گولڈ میڈل لینے انکار کر دیا ۔ تفصیلات کے مطابق پنجاب یونیورسٹی میں کانووکیشن کے دوران محمد شاہد طالب علم کا نام گولڈ میڈل لینے کے لئے پکارا گیا تو اس نے گورنر پنجاب سلمان تاثیر کے ہاتھوں گولڈ میڈل لینے سے انکار کر دیا ۔ بعد آزاں گفتگو کرتے ہوئے محمد شاہد نے کہا کہ گورنر مرکزی حکومت کے نمائندہ ہیں اور مرکزی حکومت کی پالیسیاں قوم، ملک اور اسلام کے حق میں نہیں ہیں ۔ طالب علم نے کہا کہ گورنر پنجاب خود بھی پاکستان کے مفادات اور اسلام کے خلاف بیانات دیتے رہتے ہیں اس لئے وہ ان کے ہاتھوں گولڈ میڈل نہیں لینا چاہتا۔ مزید انہوں نے کہا کہ کراچی میں12مئی کے واقعات کی ذمہ دار ایم کیوایم ہے اورگورنرپنجاب ایم کیوایم کی مکمل حمایت کررہے ہیں،اور پیپلزپارٹی کی پالیسیاں عوام دوست نہیں ہیں

حوالہ جیونیوز، ایکسپریس نیوز

 

واہ بہت خوب بڑی ہمت کی بات ھے
مگر

ایسااگر محض خبر بننے کے واسطے کیا ھے تو حکومت کی غلط پالیسیوں سے زیادہ تکلیف دہ امر ھے
اللہ کرے کہ ایسا نہ ہو

 

السلام علیکم۔
بہت لائق تحسین امر ہے۔ انسان سے جس حد تک، جس انداز میں اور جیسے ممکن ہوسکے ۔ ظلم ، لاقانونیت اور برائی کے خلاف صدائے احتجاج بلند کرتے رہنا چاہیے۔ یہی تقاضائے انصاف ہے۔