طاقتیں تمہاری ہیں اور خدا ہمارا ہے

طاقتیں تمہاری ہیں اور خدا ہمارا ہے
عکس پر نہ اتراؤ آئینہ ہمارا ہے

آپ کی غلامی کا بوجھ ہم نہ ڈھویں گے
آبرو سے مرنے کا فیصلہ ہمارا ہے

عمر بھر تو کوئی بھی جنگ لڑ نہیں سکتا
تم بھی ٹوٹ جاؤ گے تجربہ ہمارا ہے

اپنی رہنمائی پر اب غرور مت کرنا
آپ سے بہت آگے نقش پاء ہمارا ہے

غیرت جہاد اپنی زخم کھا کے جاگے گی
پہلا وار تم کرلو دوسرا ہمارا ہے

بشکریہ : کاشفی بھائی

 

بہت عمدہ