صلوٰة و سلام ۔ رہبرِ کامل ہادیِ دوراں، صلی اللہ علیہ وسلم (از سیّد سلیم گیلانی)

رہبرِ کامل ہادیِ دوراں، صلی اللہ علیہ وسلم
ان کی محبت حاصلِ ایماں، صلی اللہ علیہ وسلم

لطف و عطا کے پیکرِ اطہر، جود و سخا کے مہرِ منور
ان کی رضا خوشنودیِ یزداں، صلی اللہ علیہ وسلم

علمِ مجسم، عقلِ مسلم، عدلِ منظم، خلقِ معظم
حاکمِ محکم، محسنِ انساں، صلی اللہ علیہ وسلم

احسن و اسلم،اکمل و اعظم، اشرف و اکرم، سیدِ عالم
مرسلِ خاتم، حاملِ قرآں، صلی اللہ علیہ وسلم

واقف ان سے غارِ حرا ہے، شاہد ان کا کوہِ صفا ہے
صدق و صفا کے ماہِ درخشاں، صلی اللہ علیہ وسلم

جن و بشر پر ان کا کرم ہے، حور و ملک پر انکی عطا ہے
کون و مکاں پر ان کے احساں، صلی اللہ علیہ وسلم

ان کی ہدایت نور کا جادہ، ان کی طاعت نور کی منزل
اور اس راہ کے نیرِ تاباں، صلی اللہ علیہ وسلم​

 

اللہ تعالیٰ آپ کو بھی جزائے خیر عطا کرے آمین

 

اللہ تعالیٰ آپ کو بھی جزائے خیر عطا کرے آمین

 

سبحان اللہ - جزاک اللہ

 

اللہ تعالیٰ آپ کو بھی جزائے خیر عطا کرے آمین