صلوٰة و سلام - شفیع الورٰی تم سلام علیکم رضائے خدا تم سلام علیکم (اسیّد ادیؔب رائے پوری)

شفیع الورٰی تم سلام علیکم
رضائے خدا تم سلام علیکم

کہیں ابتدا تم کہیں انتہا تم
خیالوں کی حد سے ورٰی الورٰی تم
سحابِ کرم شانِ جود و سخا تم
مرا مدعا تم مری ہر دعا تم

شفیع الورٰی تم سلام علیکم
رضائے خدا تم سلام علیکم

عداوت پرانی دلوں سے مٹائی
بروں سے بھی کی تو نے ہر دم بھلائی
عجب شان کی تھی تری مصطفائی
شکم پر تو پتھر لبوں پر تبسم

شفیع الورٰی تم سلام علیکم
رضائے خدا تم سلام علیکم

پیاسوں کو خوں کے اماں دینے والے
شجر کو حجر کو زباں دینے والے
یہاں دینے والے وہاں دینے والے
سخاوت کا دریا ہو بحرِ سخا تم

شفیع الورٰی تم سلام علیکم
رضائے خدا تم سلام علیکم

تری معرفت میں کہاں لب کشائی
کہ تیرے ہی جلوے ہیں ساری خدائی
فقط عشق کی تیرے در تک رسائی
کہ دانائیاں تیری راہوں میں ہیں گم

شفیع الورٰی تم سلام علیکم
رضائے خدا تم سلام علیکم

نگاہوں میں رحمت کے دریا تمہارے
غلام آج کیا چاہتے ہیں تمہارے
تمہاری نگاہِ کرم کے سہارے
ادیؔبِ خطاکار پر بھی ترحم

شفیع الورٰی تم سلام علیکم
رضائے خدا تم سلام علیکم

مجموعہِ نعت : مقصودِ کائنات​

 

اللہ تعالیٰ آپ کوبھی جزائے خیر عطا کرے آمین

 

اللہ تعالیٰ آپ کو بھی جزائے خیر عطا کرے آمین

 

سبحان اللہ - جزاک اللہ

 

اللہ تعالیٰ آپ کو بھی جزائے خیر عطا کرے آمین