صلوٰة و سلام - دونوں عالم کے سرور پہ لاکھوں سلام.- خالد رومی

سلام بحضور خیر الانام علیہ التحیتہ والسلام
------
دونوں عالم کے سرور پہ لاکھوں سلام.
دین و دنیا کے رہبر پہ لاکھوں سلام.

حق نے جس کے لئے خود کہا والضحی
جس کا ثانی جہاں میں نہیں دوسرا
ایسے روۓ منور پہ لاکھوں سلام.
دونوں عالم کے سرور پہ لاکھوں سلام.

جن کی صورت کی والشمس تصویر ھے
جن کی زلفوں کی والیل تفسیر ھے
ان کے نورانی پیکر پہ لاکھوں سلام.
دونوں عالم کے سرور پہ لاکھوں سلام.

جن کی الفت ہی بنیاد ایماں بنی
وجہ تسکیں بنی, فرحت جاں بنی
ایسے ایماں کے محور پہ لاکھوں سلام.
دونوں عالم کے سرور پہ لاکھوں سلام.

جو مزکی بھی ہیں , جو مزکا بھی ہیں
خود شفا بھی ہیں جو خود مسیحا بھی ہیں
حق کے ماہ منور پہ لاکھوں سلام.
دونوں عالم کے سرور پہ لاکھوں سلام.

جو سراپا ہوۓ حق نشاں, حق نما
جن کا ثانی نہیں ایسے خیر الورا
رنگ تصویر داور پہ لاکھوں سلام.
دونوں عالم کے سرور پہ لاکھوں سلام.

مالک بحر و بر, خواجہء انس و جاں
جن کی چوکھٹ بنی سجدہ گاہ جہاں
صاحب حوض کوثر پہ لاکھوں سلام.
دونوں عالم کے سرور پہ لاکھوں سلام.

واقف نبض جاں, خاتم المرسلیں
حال پوشیدہ جن سے کسی کا نہیں
آشناۓ مقدر پہ لاکھوں سلام.
دونوں عالم کے سرور پہ لاکھوں سلام.

منتظر جس کے ہیں انبیا, اولیا
جس کی ھے ہر مسلماں کے لب پر دعا
شاہ کے جام کوثر پہ لاکھوں سلام.
دونوں عالم کے سرور پہ لاکھوں سلام.

آپ کی ذات ہے الفتوں کے لئے
جو بچھائی گئی دشمنوں کے لئے
ایسی رحمت کی چادر پہ لاکھوں سلام.
دونوں عالم کے سرور پہ لاکھوں سلام.

حق نشاں, حق بیاں, حق نما, غیب داں
مونس بیکساں, حامئی انس و جاں
غم کے ماروں کے یاور پہ لاکھوں سلام.
دونوں عالم کے سرور پہ لاکھوں سلام.

کب کوئی پوچھتا تھا ہمیں اس طرح
کب کوئی جانتا تھا ہمیں اس طرح
بھیجیۓ فضل داور پہ لاکھوں سلام.
دونوں عالم کے سرور پہ لاکھوں سلام.

گود میں جن کی آۓ ہیں خیر الورا
وہ کہ عالم میں ہیں سیدتہ النسا
آمنہ کے مقدر پہ لاکھوں سلام.
دونوں عالم کے سرور پہ لاکھوں سلام.

ساری آل عبا پر ہوں لاکھوں درود
حضرت فاطمہ پر ہوں لاکھوں درود
مرتضی, ان کے شوہر پہ لاکھوں سلام.
دونوں عالم کے سرور پہ لاکھوں سلام.

گلشن مصطفا کی ھے جن سے پھبن
تاجداران جنت حسین و حسن
شان ابناۓ حیدر پہ لاکھوں سلام.
دونوں عالم کے سرور پہ لاکھوں سلام.

تذکرہ کیجئے غوث اعظم کا اب
یعنی ملک ولایت کے خاتم کا اب
سارے ولیوں کے افسر پہ لاکھوں سلام.
دونوں عالم کے سرور پہ لاکھوں سلام.

بعد ان کے مرے مرشد و پیشوا
پیر مہر علی خلق کے مقتدا
ان کے اوصاف اطہر پہ لاکھوں سلام.
دونوں عالم کے سرور پہ لاکھوں سلام.

نعت سے جن کی ھے یہ سخن معتبر
جو اے رومی ! ہوۓ قاطع فسق و شر
ایسے محبوب داور پہ لاکھوں سلام.
دونوں عالم کے سرور پہ لاکھوں سلام​

 

اللہ تعالیٰ آپ کو بھی جزائے خیر عطا کرے آمین

 

اللہ تعالیٰ آپ کو بھی جزائے خیر عطا کرے آمین

 

سبحان اللہ - جزاک اللہ

 

اللہ تعالیٰ آپ کو بھی جزائے خیر عطا کرے آمین