صلوٰة و سلام - دل سے صدیقِ اکبر پہ اربوں سلام ( بلال رشید)

صدقِ سرورﷺ کے مظہر پہ اربوں سلام
دل سے صدیقِ اکبر پہ اربوں سلام
جو کفن بھی نہ مالِ خلافت سے لے
اس دیانت کے مظہر پہ اربوں سلام
نائبِ شاہِ دیں ،سید الاتقیا
ء سب صحابہ کے سرور پہ اربوں سلام
دینِ احمد کا پہلا مبلغ ہے جو
بھیجئے اس سخنور پہ اربوں سلام
قربِ احمدﷺ ملا جسکو ہجرت کی شب
اس رفیقِ پیمبرﷺ پہ اربوں سلام
فقرجسکا صحابہ کی معراج ہے
اس وقارِ ابو ذر پہ اربوں سلام
غار میں ساتھ احمدﷺ کے تنہا تھا جو
اس وفا کے سمندر پہ اربوں سلام
آلِ احمد کا نانا ہے جو بالیقیں
اس کی تقدیرِ یاور پہ اربوں سلام
مصطفیﷺ نے امامت جسے آپ دی
بھیجئے ایسے رہبر پہ اربوں سلام
برملا بھیجئے اے بلالِ حزیں
عشقِ سرورکے پیکر پہ اربوں سلام
بلال رشید

​

 

اللہ تعالیٰ آپ کوبھی جزائے خیر عطا کرے آمین

 

اللہ تعالیٰ آپ کوبھی جزائے خیر عطا کرے آمین

 

آمین

 

سبحان اللہ - جزاک اللہ

 

اللہ تعالیٰ آپ کو بھی جزائے خیر عطا کرے آمین