صلوٰة و سلام - اک گنہ گار آیا ہے در پر ترے جس کے لب پر صدا ہے سَلَام عَلَیک (سیّد ادیؔب رائے پوری)

اک گنہ گار آیا ہے در پر ترے
جس کے لب پر صدا ہے سَلَام عَلَیک
جس کی ہر آرزو ہے سَلَام عَلَیک
جس کی ہر التجا ہے سَلَام عَلَیک
​

صرف گریہ ہے جس کی عبادت کی خو
صرف اشکوں سے ہوتا ہے جس کا وضو
جس کا کلمہ ہے اسمِ گرامی ترا
جس کے غم کی دوا ہے سَلَام عَلَیک​

​

میرا مطلوب آقا تری ذات ہے
ایک چھوٹے سے منہ سے بڑی بات ہے
میرا مطلوب تو، میرا مقصود تو
یہ بھی تیری عطا ہے سَلَام عَلَیک​

​

کیا بتائیں کہ ہم پر ہے کتنا کرم
ہر نفس، ہر جگہ آنکھ رہتی ہے نم
روح کا پیرہن ہے درود النبی
جسم و جاں بن گیا ہے سَلَام عَلَیک​

​

اشک جتنے تھے وہ سب ستارے بنے
گل بدن لفظ جتنے تھے سارے بنے
شبنم و گل بغلگیر جب ہوگئے
مل کے سب نے پڑھا ہے سَلَام عَلَیک​

​

گنبدِ سبز کے سامنے بیٹھ کر
یوں گزارے ادیؔب ہم نے شام و سحر
دل سناتا رہا ہم کو نعتِ نبی
ہم نے دل سے سنا ہے سَلَام عَلَیک​

مجموعہِ نعت : مقصودِ کائنات​

 

اللہ تعالیٰ آپ کوبھی جزائے خیر عطا کرے آمین

 

اللہ تعالیٰ آپ کو بھی جزائے خیر عطا کرے آمین

 

آمین

 

سبحان اللہ - جزاک اللہ

 

اللہ تعالیٰ آپ کو بھی جزائے خیر عطا کرے آمین