صلوٰة و سلام - آپ خیر البشر، آپ خیر الانام آپ پر ہوں درود، آپ پر ہوں سلام (سید ادیؔب رائے پوری)

آپ خیر البشر، آپ خیر الانام
آپ پر ہوں درود ، آپ پر ہوں سلام

اے جمیل الشیم، اے شفیع الامم
اے سحابِ کرم، تاجدارِ حرم
نازِ لطف و سخا، شانِ جود و کرم
فرش پر ہی نہیں آپ کچھ محترم
عرش پر بھی گئے آپ ہی کے قسم
کہکشاں گردِ راہِ سفر ہے تمام​

آپ خیر البشر آپ خیر الانام​

آپ پر ہوں درود ، آپ پر ہوں سلام​

مونسِ انس و جاں، حامیِ بیکساں
ہادیِ رہبراں، رہبرِ سالکاں
مشفق و مہرباں، قبلہِ عاشقاں
برلب و در دہن، در دل و برزباں
آپ ہی کی ثنا، آپ ہی کا بیاں
آپ ہی کا سخن، آپ ہی کا کلام​

آپ خیر البشر، آپ خیر الانام​

آپ پر ہوں درود، آپ پر ہوں سلام​

اے شریف النسب، اے نجیب الحسب
اے کبیر الادب اور اُمّی لقب
حُسنِ تخلیق کا آپ ہی تھے سبب
آپ ہی سے ہُواق ارتقائے ادب
پر زمانے کو ہے آپ ہی کی طلب
ہر زمانے کا سر خم بصد احترام​

آپ خیر البشر ،آپ خیر الانام​

آپ پر ہوں درود، آپ پر ہوں سلام​

اے شفیع الورٰی، اے نبی الہدٰی
اے شہِ دوسرا ،اے ورٰی الورٰی
چشمِ محروم کا، جانِ مظلوم کا
قلبِ معصوم کا، آپ ہی آسرا
آپ ہی مدعا ،آپ ہی منتہا
یہ تو لاریب ہے، اس میں کس کو کلام​

آپ خیر البشر ،آپ خیر الانام​

آپ پر ہوں درود، آپ پر ہوں سلام​

آپ ہی رابطہ، آپ ہی واسطہ
آپ ہی مشغلہ، آپ ہی تذکرہ
حُسن کی ابتدا، عشق کی انتہا
حق نگر، حق رسا، روشنی، راستہ
فہم سے ماورٰی آپ کا مرتبہ
رازدارِ دنٰی عبدہ کا مقام​

آپ خیر البشر ،آپ خیر الانام​

آپ پر ہوں درود، آپ پر ہوں سلام​

حُسنِ تکبیر میں جو صدا بن گیا
جو بزرگی میں بعدِ خدا بن گیا
اہلِ ایمان کا مدعا بن گیا
عبد و معبود میں واسطہ بن گیا
مجتبٰی بن گیا، مصطفٰے بن گیا
او بالائے بام، اور بالائے بام​

آپ خیر البشر ،آپ خیر الانام​

آپ پر ہوں درود، آپ پر ہوں سلام​

رتبہِ شاہِ جن و بشر دیکھیے
سب کہاں، جس قدر ہے خبر دیکھیے
میں دکھاتا ہوں گر ہے نظر دیکھیے
سر اٹھا کر ذرا عرش پر دیکھیے
طُرّہِ میم کو حمد پر دیکھیے
دیکھیے اور پڑھیے درود و سلام​

آپ خیر البشر ،آپ خیر الانام​

آپ پر ہوں درود، آپ پر ہوں سلام​

مجموعہِ نعت : مقصودِ کائنات​

 

اللہ تعالیٰ آپ کوبھی جزائے خیر عطا کرے آمین

 

اللہ تعالیٰ آپ کو بھی جزائے خیر عطا کرے آمین

 

سبحان اللہ - جزاک اللہ

 

اللہ تعالیٰ آپ کو بھی جزائے خیر عطا کرے آمین