"شیشہ" اور سگریٹ کتنی مضر ہے ،،،

محکمہ صحت اور ٹوبیکو کنٹرول ریسرچ کا کہنا ہے کہ شیشہ کا کش لگانا اتنا ہی نقصان دہ ہے جتنا کہ سگریٹ پینا خطرناک ہے۔ تازہ ترین ریسرچ کے مطابق ایسے لوگوں میں کاربن مونو آکسائیڈ کا لیول سگریٹ نوشوں کی نسبت چار سے پانچ گنا تک زیادہ ہو سکتا ہے اور کاربن مونو آکسائیڈ کا اونچا لیول دماغ کے نقصان کا باعث بن سکتا ہے۔ ریسرچ کی ابتدا اس وقت ہوئی جب اس سال کے آغاز میں ایک حاملہ عورت جس نے دوران حمل یہ سمجھ کر سگریٹ نوشی چھوڑی کہ بچے کو اس کا نقصان ہو سکتا ہے اور اپنی عادت پورا کرنے کے لئے شیشہ کا استعمال شروع کر دیا اس کے خون میں کاربن مونو آکسائیڈ کی مقدار زیادہ پائی گئی۔ محکمہ ہیلتھ نے ٹوبیکو کنٹرول ریسرچ کے ساتھ مل کر اس پر تحقیق کی تو پتہ چلا کہ شیشہ سگریٹ کی نسبت چار سو سے چار سو پچاس گنا زیادہ نقصان دہ ہے۔ ڈاکٹر ہیلری ویئرنگ ڈائریکٹر سنٹر فار ٹوبیکو کنٹرول ریسرچ کا کہنا ہے کہ وہ یہ نتائج جان کر بے حد فکرمند ہیں کیونکہ جگہ جگہ کھلے ہوئے شیشہ بارز ان نوجوانوں میں بے حد مقبول ہیں جو سگریٹ نوشی کو نقصان دہ سمجھتے ہیں۔ شیشہ عربی طرز کا حقہ ہے کہ گرم پانی اور پائپ کے ذریعے تمباکو کو کوئلہ کے ذریعہ جلاتا ہے اور جس کا دھواں بھرپور کش کے ذریعہ اندر کی جانب کھینچا جاتا ہے۔ محکمہ صحت کے ریجنل مینجر پال ہوپر کے مطابق اس تحقیق نے برطانیہ میں شیشہ کے استعمال کو صحت کے لئے بڑا ایشو بنا دیا ہے کیونکہ اس سے قبل عام لوگ شیشہ کو تمباکو نوشی ہی نہیں گردانتے تھے جبکہ این ایچ ایس سٹاپ سموکنگ کے قاسم چوہدری کا کہنا ہے کہ اس نقصان سے قطع نظر یہ ایک انفیکشن کا مسئلہ بھی ہے کیونکہ بے احتیاطی اور عدم صفائی کے باعث شیشہ کے استعمال سے ایک دوسرے کو ٹی بی جیسے خطرناک جراثیم منتقل ہو سکتے ہیں۔
بشکریہ روزنامہ جنگ
​

 

معلوماتی مراسلے کے لیے شکریہ حنا شیخ جی۔

 

جناب جس نے پینا ہے وہ تو پیے گا ہی بهلے ریسرچ والے اپنی ریسرچ کرتے رہیں.اور ویسے بهی شیسہ تو آجکل فیشن بن چکا ہے

 

سب سے پہلے تو آپکو اس بات پر مبارکباد دونگا کہ آپ جن مسائل کو سامنے لاتی ہیں وہ ہمارئے معاشرئے میں تباہی پھیلارہے ہیں۔ لیکن یہ ریسرچ اس شیشہ یا حقے پر نہیں ہے جو عرب دنیا یا برصغیر پاک و ہند میں استمال ہوتا ہے بلکہ یہ اس نشہ پر ہے جو ہمارئے ملک میں شیشہ کے نام پر تباہی پھیلارہا ہے۔ معافی چاہتا ہوں اگر میرا تبصرا آپکو ناگوار لگے۔۔۔۔

 

ہم ہر اچھی بات سمجھنے والے کی بات کا بلکل برا نہیں مانتے ،، اور آپ کی تحریر ہم ضرور پڑھتے ہیں ، ہم تجزیہ نگار نہیں ہیں ، آپ کی پوسٹ پر ہم جو اپنے ارگرد محسوس کرتے ہیں ،، ایک عام شہری ہونے کی حثیت سے وہ لکھ دیتے ہیں ،، امید کرتے ہیں آپ بھی ہماری غلطیوں کی نشاندھی کریں گے ،، اور انشا الله اس سے ہم کو فایدہ ہو گا ،،

 

اس فیشن جیسی لت نے ہی تو ہماری نوجوان نسل کا ستیاناس کر دیا ہے ، فشن کے نام پر بے حیائی عام کردی ہے ،، ​