شہادت کو گود تو نے لیا (منقبتِ مولٰی علی کرم اللہ وجہہ الکریم) ۔ مظفر وارثی

علی حق علی​

علی حق علی
شہادت کو گود تو نے لیا
مَحبت کی رسم تجھ سے چلی​

علی حق علی
علی حق علی


بلندیِ فکر منصب ترا
ہر اِک آئینہ محدب ترا
نگاہِ رسول مکتب ترا
جو علم ان کے پاس، وہ سب ترا
وصی الوصی، ولی الولی
علی حق علی
علی حق علی

محمد ﷺ کا بھائی، شیرِ خدا
فراست نصب، صداقت نما
حمیّت سپر، شجاعت قبا
ہدایت گجر، شریعت عصا
طریقت مکاں، تصوّف گلی
علی حق علی
علی حق علی

رضا اور صبر جادہ ترا
غبارِ سفر لبادہ ترا
عمل کی طرح ارادہ ترا
نگاہوں سے دل کشادہ ترا
ترا شعلہِ لطافت کلی
علی حق علی
علی حق علی

دعائے غریب کا ہمسفر
بگڑتے نصیب کا چارہ گر
وہ کعبہ، خدا کا وہ پہلا گھر
پڑی اس پہ تیری پہلی نظر
جہاں تیری پہلی دھڑکن چلی
علی حق علی
علی حق علی

طلب کو شدید تو نے کیا
سماعت کو دید تو نے کیا
مجھے بھی مرید تو نے کیا
کرم یہ مزید تو نے کیا
کہ جاں تیری آہٹوں میں ڈھلی
علی حق علی
علی حق علی

کلام : مُظؔفّر وارثی​

 

اللہ تعالیٰ آپ کوبھی جزائے خیر عطا کرے آمین

 

سبحان اللہ ۔ جزاک اللہ

 

اللہ تعالٰی آپ کو بھی جزائے خیر عطا کرے آمین